фл. 1. Қадр-қийматини пастга туширмоқ; паст, арзимас, айбли қилиб кўрсатмоқ, ерга урмоқ.
Бировни иккинчи бир одам олдида ҳар хил мазах гаплар билан камситиш унинг [Араббойнинг] энг яхши кўрган одатларидан эди. — П. Турсун, Ўқитувчи
[Юсуфбек ҳожи:] Мендан сўрасанг, Марғилондаги на қудамиз ва на келинимизни ҳеч бир важ билан камсита олмаймиз. — А. Қодирий, Ўтган кунлар
2. Камайтирмоқ, бузмоқ.
Бу ўзгаришлар унинг [Кумушнинг] ҳуснини, латофатини бир зарра ҳам камситмади, балки ўн қайта оширган эдилар. — А. Қодирий, Ўтган кунлар
3. Ҳуқуқини чекламоқ, тенг ҳуқуқлиликдан маҳрум қилмоқ.