Қидирув

от 1. Ёши улғайган, кекса, қари хотин.

Кичик, хароб, фақир бир уй, кампир ва ёшроқ бир хотин жўхори тозалар эдилар. — Ойбек, Нур қидириб

У [Анзират хола] олтмишларга бориб қолган, нимжон бир кампир эди. — А. Қаҳҳор, Қўшчинор чироқлари

[Элмурод:] Юртингизда кимларингиз бор, Ғани ака? — Биттагина кампир онам бор. — П. Турсун, Ўқитувчи

2. Шундай ёшли хотин (аёл)ларнинг исмига қўшиб айтилади.

Ўзбек ойимнинг қутидор, Офтоб ойим ва Ойша кампирга атаб тиктирган саруполари ҳам битди. — А. Қодирий, Ўтган кунлар

3. Ёши улғайган кишининг (ёши улғайган) хотини ва унга мурожаат шакли.

[Шокир ота:] Кампиримга ёʻлдош, етим гўдакларимга бош бўлади бу қизим. — Ойбек, Танланган асарлар

Қўй, ҳазил қилма, кампир, Ҳамиша ростин гапир. — Ю, Ҳамдам

от Чойнак қўйиб, чойни дам едириш ёки иситиш (иссиқ тутиш) учун самовар ўтхонаси устига ўрнатиладиган мослама.

[Матлуба] Дам есин, деб чойнакни кампирак устига қўйди. — Н. Назаров, Замон

Кампирагини ўйнатиб қайнаб турган катта самовар қаршисида хомушгина ерга кўз тикиб Асқар боғбон турарди. — Н. Назаров, Замон

от Қарилик (хотин кишига нисбатан).

Кампирлик даври.

от айн. Камчалак.

от Оғзи ва ияги кампирларникига ўхшаган.

Эшикдан тишлари тушиб, лаблари ичига кириб кетган, кампирдаҳан, зағчакўз бир чол кириб таъзим қилди. — М. Осим, Ўтрор

от Танаси ва уруғлари заҳарли кўп йиллик ўт.

Самарқанд ва Бухоро атрофларида кўп ўсадиган кампирчопон ўсимлигининг қай даражада заҳарли эканини ким билмайди дейсиз. У. — Ғуломов, Ёрқин ёʻллар

Қишлоқ жойларда донли экинлар билан бирга ўсадиган айрим ўсимликларда (кампирчопон, кўкмараз, эшакмия ва бошқалар) заҳарли алкалоидлар мавжуд. — С. Акрамов, Гиёҳ кимёси