Қидирув

сфт. 1. Муҳтожликда яшовчи, тирикчилик учун керакли нарсаси етарли бўлмаган; қашшоқ, фақир, бечора.

Камбағал деҳқон. Камбағал оила.

Камбағал йигит энди ёруғда ҳамма отларни айрим-айрим кўздан кечирди. — Ойбек, Танланган асарлар

Ўқувчиларнинг қарийб ҳаммаси камбағалларнинг болалари бўлгани учун, Ғуломжон ота-оналар билан маслаҳатлашиб, уларга ҳар кун иссиқ овқат қилдириб бериб турди. — М. Исмоилий, Фарғона тонг отгунча.

2. Етарли бўлмаган; кам, етишмайдиган.

Сувга камбағал ер. Сўзга камбағал одам.

3. кўчма с. т. Мушкул ёки аянчли аҳволга тушиб қолган киши; шўрлик, боёқиш, бечора.

Ёʻлчи қачон келар экан, келганда ҳам нима қиларди, бўзбола, камбағал. — Ойбек, Танланган асарлар

от Ҳаётий, тирикчиликка зарур нарсаларнинг етишмаслик ҳолати.

Бир куни она бечора зор йиғлаб, худога нола қилди: Камбағаллик қурсин, камбағаллик Э худо, қандай гуноҳ қилдикки, бизни бунчалар қақшатасан? — К. Яшин, Ҳамза

Хотинимни ҳам камбағаллик йиқитди, бу ердаги оғир иш нобуд қилди. — Ойбек, Танланган асарлар

от Камбағал шароит; камбағаллик, қашшоқлик.

— Ҳозир ҳам камбағалмиз, — деди Сатторқул давом этиб, — лекин бу камбағалчилик ёруғ дунёдан бўлган умидимизни эмас, ёруғ дунёдан бўлган умидимиз бу камбағалчиликни еб, кемириб ташлаётибди. — А. Қаҳҳор, Қўшчинор чироқлари

сфт. Камбағалларга ёрдам кўрсатувчи, шафқат қилувчи; камбағаллар ҳуқуқини ҳимоя қилувчи.

Камбағалпарвар одам,

Бойлардан биттаси жуда камбағалпарвар ўтган экан, чакалак-зорига дошқозон остириб, оч қолганларга хўрда, атала улашиб турар экан. — П. Турсун, Ўқитувчи

фл. Камбағал бўла бормоқ, камбағал бўлиб қолмоқ.

беднякpoor