«кажавали» бўйича 4 та натижа
сфт. Кажаваси бор, кажава ор-тилган, тиркалган.
Кажавали машинанинг орқа эшиги очиб қўйилган, остонада тўрт-беш хотин-халаж тўпланиб турар. — Ў. Ҳошимов, Қалбингга қулоқ сол
Дам олиш куни бўлгани учун комендант ишга бормаган, кажавали мотоцикли эшиги олдида турган экан. — С. Нуров, Нарвон
от 1. Одатда иш ҳайвонларига ортиб, юк ташиш учун дарахт новдалари ёки қобиғидан, шунингдек, махсус ясалган катта, кенг чорқирра идиш.
Сават кажава. Тери кажава.
Келаётган сарбозларнинг бири бир қоп арпа, бири бир кажава узум, яна бири бир қоп қовун кўтариб келарди. — С. Айний, Дохунда
[Носир:] Кажавага юкланган кўзачалардаги сув ҳам тугабди. — Туйғун, Йиллар ва кишилар
2. От, хачир, фил, туя каби ҳайвонлар устига ёки ёнига ўрнаштирилган ва одам олиб юриш учун мосланган ўриндиқ.
Туяга ортилган кажава ичига ўтириб олиб, кечаси бир оз мизғиб олган Заҳро — М. Осим, Элчилар
3. Машина, мотоцикл кабиларга тиркаладиган мослама, аравача; коляска.
Икромжон мотоцикл кажавасига ўтириб олди. — Ш. Холмирзаев, Оғир тош кўчса
