Qidiruv

ot 1. esk. kt. Teskari, chappa.

Menga xudo gʻolib qildi zolimni, Zolim falak kajga urdi folimni. — Ravshan

Yosh koʻngilga qilar taʼsir falakning kaj xislati, Koʻz oldidan oʻtar bir-bir shoirlarning qismati. — E. Voqidov

2. Qiyshiq, egri.

Suluvning yonida turgan qovoq kosadagi tiniq suv, koʻzguday yiltillab, Bibiqatchaning oqarib ketgan yuzini kaj qilib koʻrsatdi. — A. Muxtor, Qoraqalpoq qissasi

sft. 1. Terining zamburugʻ kasalligi; koʻpincha, boshning sochli qismi va tirnoq zararlanadi; sochni toʻkib yuboradigan yuqumli teri kasalligi.

Kal yuqtirmoq. Kalni davolamoq.

2. Shunday kasalga uchragan kishi.

Kallar maxsus shifoxonada davolanadilar.

3. Boshning sochi toʻkilgan yeri.

Boshning kalini bekitib yurmoq.

-Xayr, mayli, —

dedi boshqa bir ishchi, — ularning kal boshlarini miltiq dorisi bilan davolaymiz. — S. Ayniy, Qullar

4. Sochi butunlay yoki qisman toʻkilib ketgan kishi.

Qalinroq oʻrtogʻim Aʼzam kal hamma kallar singari gapga chechan, qochiriq gaplarni gapirib, mullavachchalarni va hattoki peshqadamlarni kuldirar edi. — M. Muhammadjonov, Turmush urinishlari

Koshkiydi qoracha boʻlib tugʻilgan boʻlsam, koʻrgami, kalgami tegib, sizning taʼnangizni eshitmas edim. — M. Ismoiliy, Fargʻona tong otguncha.

5. koʻchma Yerning oʻt-oʻlan chiqmay qolgan boʻlagi; taqir.

Yerning kali.

6. koʻchma Jun-pati toʻkilib, taqir boʻlib qolgan joy.

Poʻstakning kali. Gilamning kali.

sft. 1. Talab, meʼyor yoki odatdagiga nisbatan miqdori yetarli boʻlmagan; oz.

Kam yerli dehqon ( — tar.

Chorshanba kuni dalaga qoʻsh chiqishi kerak. Lekin, haqiqatga qaraganda, ulovimiz kam. — A. Qahhor, Qoʻshchinor chiroqlari

2. Umuman, miqdori oz, koʻp emas.

Gapni kam soʻzla, ishni koʻp koʻzla. — Maqol

Tibbiyot ilmida kam uchraydigan voqea. — T. Murod, Ot kishnagan oqshom

Kapsanchilarda chakka oʻtmagan uy kam qoldi. — A. Qahhor, Qoʻshchinor chiroqlari

3. Egalik shaklidagi ayrim soʻroq olmoshlari bilan qoʻllanib, qiyoslanuvchi shaxs yoki narsadan kamchiligi yoʻq ekanlik maʼnosini ifodalashga xizmat qiladi.

Boshqalardan nimasi kam?! Undan qayeri kam?

[Kimsanoy] Gʻayratli, oriyatli juvon edi. Mana, Kanizak zveno boʻlar emish, Kimsanoyning Kanizakdan nimasi kam? — A. Qahhor, Qoʻshchinor chiroqlari

Oʻsha lattadan kam joyim bormi?! — Oʻ. Hoshimov, Qalbingga quloq sol

4. Yetishmay turgan, kerak boʻlib turgan.

— Keling, keling, Shorajab, — dedi qalandarga qarab Safar, — bir siz kam edingiz. — S. Ayniy, Qullar

5. ot vzf. Yetishmovchilik, yetishmagan narsa.

Kamini toʻgʻrilamoq.

Sizning davlatingizda yeyish-ichishdan, aysh-ishratdan kamim yoʻq. — Ertaklar

6. s. t. Sonlar bilan birga kelib, muayyan miqdorning toʻlishi uchun oʻsha miqdorga oʻzi qoʻshilib kelgan son bildirgan miqdor yetishmasligini bildiradi.

Bir kam qirq. Bobom ikki kam toʻqsonga kirdi.

Bir kam oʻttiz boʻlak boʻlib, toʻp boʻlib, hindiga teging. — Goʻroʻgʻli

7. Baʼzi soʻzlarga birikib, qoʻshma soʻz yasash uchun xizmat qiladi:

kamgap, kamdaromad, kamhosil va boshqalar

sft. Eshitish qobiliyatini yoʻqotgan, eshitmaydigan yoki yaxshi eshitmaydigan, shuningdek, eshitgan soʻzining maʼnosini ajratish darajasi juda pasayib ketgan; garant, karquloq.

Ha, menga nima boʻpti, eshitmay qulogʻim karmi? — Oydin, Hikoyalar

Qulogʻi ogʻir yoki butunlay kar kishilar uchun elektron quloqning tajriba nusxasi yaratildi. — Fan va turmush

ot shv. Keng yogʻoch karavot.

— Keling, keling, Toʻrgʻay, katta chiqing, — dedi kampir mulozamat qilib. — J. Sharipov, Xorazm

Kat ustiga dasturxon yozilib, bir mistovoq non bilan piyolada qiyom qoʻyilgan edi. — Choʻlpon, Kecha va kunduz

Suv boʻyiga qoʻyilgan yogʻoch katda oʻn choqli kishi Ayniy asarlari ustida qizgʻin bahs yuritadi. — N. Aminov, Ustod tabassumi