Qidiruv

ot 1. Haftaning, dushanbadan hisoblaganda, beshinchi kuni.

Bugun juma.

Urushdan yarador boʻlib kelgan Sodiqjon degan yigit oʻtgan juma kuni samovarga kelib, urushda koʻrganlaridan ancha gapirib berdi. — A. Qahhor. Asror bobo.

2. Bir qator musulmon mamlakatlarida haftaning oltinchi, dam olish kuni.

[Yoʻlchi] Vaqt-soat, juma, bayram, hayit nima ekanini bilmasdan ishladi. — Oybek. Tanlangan asarlar.

3. Shu kuni oʻqiladigan namoz.

Oshni yeb boʻlganlarida, u yoq-bu yoqdan juma tovushi kela boshlagan edi. — A. Qodiriy, Oʻtgan kunlar

4. Juma (erkaklar ismi).

ot tar. Juma kuni munosabati bilan oʻtkaziladigan turli marosimlar.

Bu kun jumalik qilib chiqqan edim [dedi Dombar]. — Oybek, Tanlangan asarlar

Toshkentdagi jumalik gap majlislaridan birida bir kishi Azizbekni maqtar va bu maqtovga qarshi ikkinchisi: Nega muncha maqtaysan, Azizbekning asli bir bachcha-da! — der. — A. Qodiriy, Oʻtgan kunlar

ot Umuman, biror hodisa, tantana munosabati bilan boʻladigan yigʻin, majlis.

Odatda u [Avaz] bir gʻazal aytar, kelasi anjumanda shoiri zamonlar mazkur gʻazalga nazira bogʻlar edilar. — S. Siyoyev, Avaz

Mazkur anjumanda oliy oʻquv yurtlari tayyorlagan 118 ish namoyish etildi. — Fan va turmush

Imom al-Buxoriy tavalludining 1200 yilligi munosabati bilan Oʻzbekistonda birinchi marta xalqaro anjuman oʻtkazildi. — Gazetadan

sft. esk. kt. Aziz, qadrli; qimmatli.

Farzandi arjumandiga goʻdaklikdan goʻzal tarbiya, husn-axloq bergan. — Oybek, Navoiy

domalaw, jumalaw

Internet orqali real vaqt rejimida onlayn uchrashuvlar oʻtkazish va birgalikda ishlash uchun texnologiyalar va vositalar. Veb-anjumanlar onlayn taqdimotlar oʻtkazish, hujjat va ilovalar bilan birgalikda ishlash, saytlarni, videofayllarni va tasvirlarni sinxron koʻrishga imkon beradi.inglizchaweb-conferenceruschaвеб-конференция