от 1. Иккитадан иборат бўлган бутунлик (рақсда, спортда).
Муз устида А. Зайсев — Л. Пахомова жуфтлиги рақс тушмоқда.
2. Жуфт-жуфт бўлиб яшаш.
Жуфтлик ёлғиз кишилар орасидагина эмас, ер юзидаги ҳар бир махлуқда ҳам бор. — А. Қодирий, Меҳробдан чаён
Қидирув
«жуфтлик» бўйича 10 та натижа: Изоҳли
Филтр
Луғат тури
Луғат мақолалари
7 таот 1. Бир хил вазифага мўлжалланган, бир бутунлик, комплект ҳосил қиладиган иккита ўхшаш нарса, буюм.
Бир жуфт этик. Бир жуфт ҳўкиз.
Бобоқул кунига яраб турган бир жуфт эчкиси-ю кафтдай келадиган еридан ҳам айрилиб, бутунлай хонавайрон бўлиб қолибди. — С. Анорбоев, Оқсой
[Бой ўз-ўзига:] Бу ким бўлди? Чўрими ёки бир офатижон фариштами? Юзлари худди олмадай таранг. Бир жуфт қуралай кўзи сурма босгандай қора. — Ҳамза, Бой ила хизматчи
2. Рафиқ ёки рафиқа; эр ёки хотин, нар ёки мода (бир-бирига нисбатан).
— Жуфтингни қанотинг остига олиб уча кет, лочин! Бу ерда турма! — деди-да, Қора Аҳмад бир томонга чекилди. — Ойбек, Танланган асарлар
Ҳеч ким қариган чоғида жуфтидан қолмасин. — А. Қаҳҳор, Тўйда аза
Кенг осмон қаърида сузиб юрган каттагина бир қуш ўз жуфтини кутиб, гир айланади. — Ж. Абдуллахонов, Орият
3. Доим бирга бўладиган, ҳамроҳ, ёнма-ён.
Ёʻқ, бахт ҳам, бахцизлик ҳам жуфт бўлади, дейишгани рост экан. — Ў. Ҳошимов, Қалбингга қулоқ сол
4. зид. Иккига қолдиқсиз бўлинадиган (бутун сонлар ҳақида); тоқ.
Жуфт сонлар. Жуфт номерли уйлар.
5. Икки дона, иккита.
Бир жуфт тухум. Ун жуфт данак.
6. кам қўлл. айн. Жўра ИИ.
У киши келинингизга икки жуфт атлас олиб келган эканлар. — А. Қаҳҳор, Қўшчинор чироқлари
- Жуфт бўлсин Ижро этилган мусиқа, ашула, рақс маъқул тушганда, яна бўлсин деган маънодаги ибора. Улар эгилиб салом бериб, жойларига қайтаётган эди, қарсак янграб, одамлар жуфт бўлсин! деб қичқира бошладилар. — И. Раҳим, Ихлос
- Жуфт кучлар
- Жуфт сўзлар
- Жуфт тушган Хил тушган, иккови бир хил (феъли-атвори, юриш-туриши бир хил иккита одам ҳақида).
- Жуфти ҳалол (ёки пок) Қонуний эр-хотин. Бундай одамга жуфти ҳалол бўлиш учун ҳар қандай қиз дарҳол ризолик берар, деб ўйлайман [деди шайх]. — К. Яшин, Ҳамза
- Юлдузи жуфт тушган Бир-бирига мос, бир-бирига ёққан (икки одам ҳақида).
от Нарсаларни қисиб ушлайдиган омбирсимон асбоб; қисқич (мискарлик асбоби).
Орадан бир ҳафтача ўтгач, сув тортмай қолган тешикка йиғилиб қолган соч ва ипларни жуфтак билан қисиб олиб ташлади. — Мирмуҳсин, Умид
- Жуфтак(ни) ростламоқ (ёки урмоқ, отмоқ) Қочиб қолмоқ, орқа-олдига қарамасдан қочмоқ. Омон менга қаради, мен тағин бир бало бўлиб қолди шекилли деб, аллақачон жуфтакни ростлаган эдим. — Ғ. Ғулом, Шум болаНемисларнинг уч танки бурқираб тутун чиқариб ёна бошлади. Қолганлари жуфтакни ростлади. — Т. Рустамов, Мангу жасорат
фл. Бир-бирига яқин қўймоқ, шериги билан ёнма-ён қўймоқ; жуфт-жуфт қилмоқ.
Калишларни жуфтламоқ.
Замира қўлини олдига йиғиб, оёқларини жуфтлаб, омонатгина ўтирар, ёʻл юриб келгани, мароқли кутиш ва қандайдир ҳаяжон юзини чўғдай қизартирганди. — П. Қодиров, Уч илдиз
- Оғиз жуфтламоқ Гапиришга шай бўлмоқ, тайёр бўлмоқ. Бу ҳақда солдатларга бир нима демоқчи бўлиб, оғиз жуфтлаган эдим, гумбурлаб снаряд ёрилди. — А. Убайдуллаев, Қонли изданМен жавоб қайтаришга оғиз жуфтлаган эдим, Шоҳида оғзимдаги сўзимни юлиб олди. — М. Жабборов, Севинч ёшлари
фл. Жуфтламоқ феълининг мажҳул нисбати.
фл. Жуфтламоқ феълининг биргалик нисбати.
Таърифлар ичида
3 тамахлуқ Инсон ва бутун жониворларнинг, тирик мавжудотнинг умумий номи. [Абдужамил бой:] Ўлдирган бўлсангиз, садқайи сар ум деган махлуқ топилади. А. Қодирий, Обид кетмон
ёлғиз Бирорта ҳам шериги ёʻқ, бир ўзи; якка, танҳо. Ёлғиз дарахт. Ёлғиз ўзи келди. Ёлғиз отнинг чанги чиқмас, чанги чиқса ҳам, донғи чиқмас. Мақол Шуб
сақла Эҳтиёт қилмоқ; эҳтиёткорлик билан (бирор жойда) асрамоқ, асраб-авайлаб ишлатмоқ. Сандиқда пул сақламоқ. Омборда қиш учун ғалла сақламоқ. Маҳсини уч кун ҳайит