Поиск

sft. Jozibaga ega boʻlmagan.

ot 1. esk. Tortish (tortishish) kuchi, tortuvchi kuch; tortish kuchi.

Insonlikning maʼnosi oʻzgardi Olamning joziba qonuni yangligʻ. — A. Muxtor.

2. koʻchma Oʻziga tortuvchi jihat, dilbarlik, malohat.

Uning uchishida, oʻyinida kishini maftun etuvchi joziba, ajoyib sanʼat bor edi. — Shuhrat, Shinelli yillar.

Unda [H. Olimjonda] sehrli bir joziba va salobat bor edi. — Shukrullo, Javohirlar sandigʻi.

sft. ayn. Jozibador.

Jozibali sheʼrlar. Jozibali kuylar.

Komila kelishgan, koʻzlari jozibali, aqlli, latofatli, shoʻx edi. — Oybek, Nur qidirib

sft. Oʻziga tortuvchi, maftun qiluvchi, jozibali; ajoyib.

Jozibador musiqa.

Xoljonbikaning husni Yoqutbikanikicha boʻlmasa ham, istarasi issiq, yuzidagi xoli tim qora, koʻzi jozibador edi. — J. Sharipov, Xorazm

U [Alimardon] koʻp qizlarni koʻrgan, ammo bunaqa jozibador qizni uchratmagandi. — Oʻ. Hoshimov, Qalbingga quloq sol

ot Oʻziga maftun etishlik, oʻziga jalb etishlik.

Uygʻur va Yetim Bobojonovlar ishtirok etgan spektakllar, yaratgan obrazlar oʻz jozibadorligi bilan, xilma-xil va takrorlanmasligi bilan ajralib turadi. — N. Safarov, Olovli izlar