Qidiruv

ot 1. fiz. Maʼlum joyni egallab, ishgʻol qilib turgan materiya, modda.

Qattiq jismlar.

Allomalar handasa-yu riyoziyot va yoki shifo ilmida emas, oddiy bir jismdan ham hikmat topardilar. — Mirmuhsin, Meʼmor

Tovush turli jismlarning tebranishi jarayonida vujudga keladi. — Fan va turmush

2. mat. Fazoning hamma tomondan berk sirt bilan oʻralgan bir qismi.

Geometrik jismlar.

3. Tan, tana; vujud.

[Navoiy:] Eshit, Mansur! [Mansur:] Butun jismim quloqdir. Uygʻun va I. — Sulton, Alisher Navoiy

Jasorat timsoli Ikardir abad, Jismi gar oʻtlarda ketgandir yonib. — A. Oripov

rvsh. Jismoniy jihatdan, jismoniy.

U [Kamoliddin] hikoya asnosi ortiq hayajonlangani uchun ruhan va jisman charchagan edi. — T. Jalolov, Oltin qafas

Gʻafur Gʻulom oramizda jisman yoʻq. — Gazetadan

Jazo otryadining soʻnggi vazifasi — muddaosi ruhan yengilmagan barcha isyonkorlarni jismonan mahv etib, shu maydonda qirib tashlash edi. — N. Safarov, Olovli izlar

Mamlakatimizda baxtiyor avlod bolalarining har tomon-lama rivojlanishi uchun, xususan ham jismonan, ham maʼnaviy kamolotga yetishishi uchun barcha shart-sharoitlar muhayyo. — Fan va turmush

sft. Jonli organizmlarning jismiga oid; muskul harakatlari bilan bogʻlangan; jismonan.

Jismoniy tarbiya.

Koʻrinishdan Toʻlqinjon Sirojdan jismoniy kuchliroq edi. — F. Musajon, Huri