Поиск

fl. Alamiga chiday olmay gapirmoq; gap, tanqid va shu kabilarni koʻtara olmay qizishmoq.

Kamchiliklaringizni koʻrsatsa, nega jirillaysiz?

Birdaniga qirq yetti bogʻ yutqizgan Niyozmat hoji jirillab, yana toʻqson toʻrt bogʻ tikdi. — A. Qahhor, Sarob

— Toʻrt yil ostonangizda ishladim, endi haq desam, nega jirillaysiz? — dedi Jonish Sotvoldi boyga. — H. Shams, Dushman

ot s. t. Moy, yogʻ.

— Yetmish ikki hunaring bor, lekin xumchangda besh paysa jiring yoʻq! — deb Mirvali bangi bir kun Berdiboyni koyigan edi. — A. Qodiriy, Obid ketmon

ot shv. Doston, terma aytib kuylovchi baxshi (oʻzbek, qoraqalpoq, qozoq xalqlarida).

Qozoqlar orasida baxshilar, jirovlar elni oralab tentirab yurib, tirikchilik oʻtkazadilar. — M. Muhammadjonov, Turmush urinishlari

Jambul shoirlar jirovi, oqsoqol, Tillarga bol berding, ellarga hammaqol. — M. Shayxzoda.

ot Tropik mamlakatlarda yashaydigan uzun boʻyinli oʻtxoʻr hayvon.

Afrika butazorlarida hayvon ovlovchilar bir kuni bitta jirafa tutib, qafasga solishdi. — Fan va turmush

taql. s. Metall, chinni, shisha buyumlarning urilishidan chiqadigan nozik tovush haqida.

Telefon jiring etdi. Pulga oʻch u [Samandarov], yoningizda tanga jiring etsa, labbay, gapirdingizmi? deb turadigan odam. — A. Muxtor, Tugʻilish.