Qidiruv

sft. Jinsga ega.

ot 1. biol. Jonli organizmlarning biologik va jismoniy xususiyatlariga koʻra ikki (erkak va urgʻochi) turidan biri.

Erkak jinsi. Xotin jinsi.

Uzaro qarama-qarshi ikki jins dunyoda tiriklikni davom ettiradi. — T. Qaipbergenov, Qoraqalpoqnoma

Boʻlajak farzand jinsining oʻgʻil yoki qiz boʻlishi otadagi urugʻ hujayrasi tarkibida boʻladigan ikki xil xromosomaga bogʻliq. — Gazetadan

2. Tur, nav, xil.

Lirikaning oʻziga xos adabiy jins sifatidagi tabiati uning janr qiyofasida ham aks etadi. — OʻTA

Baron fon Ring, albatta, eshak emas, balki oriy jinsdan boʻlgan bir zot. — A. Qahhor, Baron fon Ring.

3. Ijtimoiy guruh, tabaqa.

Jinsiga tortmoq.

— Ota, bu singlim,— tabassum bilan dedi Yoʻlchi. — Boynikida yashashini maʼqul koʻrmadim. — Yaxshi qilibsan: Kabutar bo kabutar, jins bo jins. Toʻgʻri, ular qarindoshing. Lekin ular seni oʻz jinsiga qoʻshmaydi. Ular pul jinsidan. — Oybek, Tanlangan asarlar

4. geol. Yer qobigʻining maʼlum qatlamini hosil qilgan mineral.

Qoya ostidagi togʻ jinslari ming yillar davomida esgan shamol taʼsirida silliqlanib, gʻor shaklida oʻyilgan edi. — S. Karomatov, Oltin qum

Nurotadan Tomdibuloqqacha choʻzilgan togʻlardagi togʻ jinslarini oʻrganib, u joylarning geologik xaritasini tuzdi. — S. Anorboyev, Oʻzbekiston oltini

sft. biol. Jinsga oid

jinsiy belgilar.

ot Qalin ip gazlamadan tikilgan ish kiyimi turi (asosan shim haqida).

-Bosh boshqarmaga telefon qilinsin, — dedi jinsi shim kiyib olgan robot. — X. Toʻxtaboyev, Shirin qovunlar mamlakati

Magazinga kelgan import — soʻnggi modadagi jinsi shimdan shu magazin mudirining oʻgʻli Toyloqjon quruq qoldi. — Gazetadan