Қидирув

фл. 1. Жойидан қўзғалмоқ, силжимоқ, сурилмоқ.

Отақўзи жойидан жилмади, чойи совиб қолган пиёлани қўлида айлантирганича ўйга толди. — О. Ёқубов, Диёнат

Неча соатдан бери ўрнидан жилмай тик турган Аваз беихтиёр бир қадам олға босди. — С. Сиёев, Ёруғлик

Ярим соатча ўтгандан кейин, машина жилди. — Ҳ. Ғулом, Тошкентликлар

2. Бошқа ерга кўчмоқ, кетмоқ.

Дарахт бир ерда кўкаради Отанг раҳматлик умр бўйи шу ердан бир қадам жилган эмас эди. — П. Турсун, Ўқитувчи

3. кўчма Юришмоқ, олға босмоқ.

Шу курс билан ишим оз-оз олдин жилди. — Ғ. Ғулом

фл. 1. Ҳаракатга келтирмоқ, юргизмоқ.

Хўжайиннинг феълига тушуниб қолган кучер извошни беозоргина, секин жилдирди. — Ҳ. Ғулом, Машъал

2. Узоқлаштирмоқ, йироқлаштирмоқ.

Ташқаридан хабар олинг. Миршабларни маҳкама атрофидан жилдирманг. — Н. Сафаров. Уйғониш.

фл. Оз миқдорда оқмоқ, милтираб тушмоқ

Самовар жўмрагидан сув жилдираб оқмоқда.

Ариқчалардан жилдираб оққан сув узун тарнов орқали ҳовузга тушади. — Ш. Рашидов, Ғолиблар

фл. Жилдирамоқ феълининг орттирма нисбати.

фл. Жилдирамоқ феълининг биргалик нисбати.

фл. Жилдирмоқ феълининг орттирма нисбати.