Поиск

fl. 1. Joyidan qoʻzgʻalmoq, siljimoq, surilmoq.

Otaqoʻzi joyidan jilmadi, choyi sovib qolgan piyolani qoʻlida aylantirganicha oʻyga toldi. — O. Yoqubov, Diyonat

Necha soatdan beri oʻrnidan jilmay tik turgan Avaz beixtiyor bir qadam olgʻa bosdi. — S. Siyoyev, Yorugʻlik

Yarim soatcha oʻtgandan keyin, mashina jildi. — H. Gʻulom, Toshkentliklar

2. Boshqa yerga koʻchmoq, ketmoq.

Daraxt bir yerda koʻkaradi Otang rahmatlik umr boʻyi shu yerdan bir qadam jilgan emas edi. — P. Tursun, Oʻqituvchi

3. koʻchma Yurishmoq, olgʻa bosmoq.

Shu kurs bilan ishim oz-oz oldin jildi. — Gʻ. Gʻulom

ot 1. Biror narsa ustidan kiydiriladigan, qoplab qoʻyiladigan gʻilof.

Yostiq jildi. Toʻshak jildi.

[

Gulnora Sobirova] Qoʻlidagi koʻrpa jildini mashinadan chiqarib, oʻzi nafis qilib solgan gullarni zavqlanib koʻzdan kechirdi. — Gazetadan

2. Ilgarigi vaqtlarda maktab bolalari portfel oʻrnida ishlatgan xalta.

Esingiz-da bormi, boʻynimizga jild osib, Urfon maktabiga qatnagan kunlarimiz? — A. Qahhor, Sarob

Dehqonboy aka hali-hali koʻz oldidan ketkaza olmaydi: Yelkasida jild. Bir burda non, meva-cheva solingan — Gazetadan

Koʻk jildimda alifbe va bir burda non, Birinchi bor qadam qoʻydim maktab tomon. — E. Vohidov, Nido

3. Somsaning jiddiy Somsaning qiymani oʻrab turgan, koʻpincha qat-qat xamir qismi.

Mantisining qiymasiga ichak-chovoq ishlatar, somsasining jildiga jir, demakki yogʻ ishlatar. — Mushtum

Undan keyin oshpaz yigit mudirlikka keldi. Ammo parmuda somsaga usta edi. Men jild ochib berib turardim, u tugib tashlayverardi. — S. Ahmad, Hikoyalar

ot 1. Silliq yoki sayqallangan sirtning tovlanishi, yaltirashi.

— Suv jilosini koʻrsam, koʻzim quvonadi, toʻlqinida koʻnglim oʻsadi, — derdi Usmonxoʻjayev. — Oʻzbekiston qoʻriqlari

Ahmadjon yoʻlakay suvning oltin jilosidan koʻz uzmay, jim borardi. — Y. Shamsharov, Gʻurumsaroyliklar

Quyoshning butun rangini koʻrmoqchi boʻlgan odam Margʻilon atlasining tovlanishiga, qorakoʻl barralarining jilosiga tikilsin. — Shukrullo, Javohirlar sandigʻi

2. koʻchma Koʻrk, husn.

Qayon boqsa, oʻzgacha jilo, Qayon boqsa, goʻzallik pinhon. — E. Vohidov, Muhabbat

Azaldan Samarqand yer yuzining jilosidir, koʻrkidir degan naql bor xalq orasida. — Gazetadan

ot Togʻ va togʻ yonbagʻirlaridan oqib tushadigan kichik soy; yilgʻa.

Men jilgʻaman, Daryo boʻlib toʻlgim keladi. Ona yurtim, Senga oʻgʻlon boʻlgim keladi. — E. Vohidov, Muhabbatnoma

Qirgʻogʻida goʻzal yulduzlar Oʻynayotgan jilgʻaga bordim. — Sh. Rahmon, Yurak qirralari

Qashqatovning kungay tomonida chap qoʻlga qarab ketgan jilgʻa bor. — S. Anorboyev, Oqsoy

Uncha, u qadar, bir oz.

Sobir ortiqcha kuyinchaklik va gʻamxoʻrlik koʻrsatgisi kelsa, Anorxonga jilla yoqmas edi. — Oybek, Oltin vodiydan shabadalar.

Jilla fursat oʻtmay, qoʻlida patnis koʻtarib, ofitsiantka qiz paydo boʻldi. — F. Musajonov, Himmat

ot 1. Yuganning charm tizgini.

Jilovini boʻshatmoq.

Katta tosh yoʻlda yelib kelayotgan otliq tiss deb, otning jilovini tortdi. — M. Muhamedov, Qaxramon izidan

Noib otdan tushib, jilovni egar qoshiga tashladi. — S. Siyoyev, Avaz

2. koʻchma Boshqarish, idora qilish tizgini; hokimiyat.

U paytlar xon yosh edi, saltanat jilovi endi qoʻliga oʻtgan edi. — S. Siyoyev, Yorugʻlik

3. Izm, erk, ixtiyor.

— Oʻzimiz inglizdan zoʻrgʻa qutuldik, lekin u hamon jilovimizni bergisi kelmaydi, — dedi Ismoilxon. — Oybek, Nur qidirib

Imtihon yaqinlashayotganini unutma, jiloving mening qoʻlimda [dedi oʻqituvchi Odiljonga]. — Mushtum

Podsho jilovida yuradi shotir, Yovga ot qoʻyar doim pirday boʻp botir. — Yusuf va Ahmad