от 1. анат. Одам ва ҳайвонларнинг ўт (сафро) ишлаб чиқарадиган, организмда моддалар алмашинувини таъминлайдиган ички аъзоси.
Жигарим оғрияпти. Жигар касалликлари.
Шу қишда унинг [онанинг] жигари хасталаниб, оёқлари шишиб кетди. — Ў. Ҳошимов, Қалбингга қулоқ сол
Алкогол нафақат жигарга, балки ошқозон-ичак ёʻлларига, юрак томирларига, бош мияга, умуман, бутун ички аъзоларга ҳалокатли таъсир кўрсатади. — Газетадан
2. Ҳайвонларнинг овқат сифатида ишлатиладиган шу аъзоси.
Қовурма жигар. Жигар кабоб.
3. кўчма Энг яқин киши, туғишгандай яқин биродар; фарзанд.
Сен етим эмассан, Тинчлан, жигарим. — Ғ, Ғулом
Мадамин буни кутмаган бўлса керак, шовқин солди: — Хизматкорим эмас! Худойқул менинг ўз жигарим, аммамдан қолган сағир. — П. Турсун, Ўқитувчи
Авазнинг бир дардига юз дард қўшилди. У жигарларини хаёлчан мунғайиб кузатиб қўйди. — С. Сиёев, Аваз
- Жигари сув бўлмоқ Қийналмоқ, азоб чекмоқ. Пахта деб жигарим сув бўлди-ю, маккажўхорига нима бор. — Ш. Рашидов, Бўрондан кучли
- Жигаридан урмоқ Мафтун қилмоқ, юрагидан урмоқ. Инобатхон институтнинг биринчи курсидаёқ менинг жигаримдан уриб қолган эди. — Ғайратий,Довдираш
- Жигари хун бўлди