Qidiruv

ot 1. Murakkablik, chigallik; muhimlik.

Masalaning jiddiyligi.

2. Jiddiy koʻrinish, jiddiy tus; oʻychanlik; sipolik.

Usmonov soʻzlaridan soʻng jangchilar yuzida jiddiylik paydo boʻldi. — Nazarmat, Joʻrlar baland sayraydi

Onaning qadriga yetish kerak. Ona qayda! — dedi Oʻktam qarilarcha jiddiylik bilan. — Oybek, Oltin vodiydan shabadalar.

sft. 1. Puxta oʻylab, chuqur mulohazalarga suyanib ish koʻradigan; mulohazali.

Jiddiy yigit. Jiddiy olim.

Anvar yosh boʻlsa ham, jiddiy, kichkina miyasi muhokamaga qobil edi. — A. Qodiriy, Mehrobdan chayon

2. Muhim ahamiyatga ega boʻlgan, muhim.

Oqsoqol qaramadi ham, indamadi ham. Goʻyo jiddiy bir narsani oʻylayotgandek, koʻzlarini suzib, choy hoʻpladi. — P. Tursun, Oʻqituvchi

-Romanlar bizda yoʻq, — dona-dona gapirdi Mustafo Sodiq, — jiddiy va ijtimoiy ahamiyati zoʻr boʻlgan qissalar ham yoʻq. — Oybek, Nur qidirib

Ishyoqmaslarga qarshi kurash ichki ishlar organlari oldida turgan jiddiy vazifalardandir. — Gazetadan

3. Oʻy-fikrga choʻmgan, oʻychan, salobatli, sipo, vazmin (kishi qiyofasi, tashqi koʻrinishi haqida).

Vagonda hamma jiddiy, kamsuxan. — T. Rustamov, Mangu jasorat

-Hozir hosil oʻchun kurashning avji vaqti,— dedi Oʻktam jiddiy tus bilan. — Oybek, Oltin vodiydan shabadalar

Saidiyning jilmayib tolmagan basharasi birdan jiddiy tus oldi. — A. Qahhor, Sarob

4. Chin, rost, behazil; tayinli.

Jiddiy vaʼda.

Lekin Muborakning gaplarini jiddiyga yoʻymadi. — S. Zunnunova, Koʻk chiroqlar

Bunday achchiq pichingga javob qaytarish yoʻlini topolmagan Hasan borib uning roʻparasida oʻtirib: — Kel boʻlmasa, jiddiy soʻzlashaylik,— dedi. — S. Ayniy, Qullar

Sherbek kuldi: Siz oʻrgating. Yoʻq, Nigora, men jiddiy gapiryapman. — S. Anorboyev, Oqsoy

5. Yomon oqibatlarga olib borishi mumkin boʻlgan; yomon, xavfli.

Jiddiy kasallik.

Xurramovning yelka yarasi jiddiy edi. — Nazarmat, Joʻrlar baland sayraydi

Pilla qurtining kushandasi koʻp, hushyor turilmasa, qurt-qumursqalar, qushlar, tovuqlar jiddiy zarar yetkazib qoʻyishi mumkin. — Gazetadan

6. Oʻylanganidan murakkab, keskin, ogʻir.

Sen, ogʻayni, tushunmaysan, bular orasidagi gap ancha jiddiy. — S. Karomatov, Oltin qum

7. Astoydil, jon-jahd bilan, rostakamiga.

Xat-savod chiqarishga jiddiy berildim. — N. Safarov, Olovli izlar

Vakillaringiz sanʼat bayramiga jiddiy tayyorgarlik bilan keldilar. — Gazetadan

Hamidullayevning oʻzi ham sholikorlik bilan endi jiddiy shugʻullanyapti. — Oʻzbekiston qoʻriqlari

8. Yetarli asosga ega boʻlgan, asosli; muhim.

Haqiqatan ham uning sheʼr yozishiga jiddiy sabab bor edi. — P. Qodirov, Uch ildiz

Raxim Boltayev nima uchun jiddiy talablar qoʻyilishini izohlab berdi. — Oʻzbekiston qoʻriqlari

9. Alohida, masʼuliyat bilan.

Yosh talantlarni tanlash va ularni tarbiyalash ishiga jiddiy eʼtibor bermogʻimiz kerak. — N. Safarov, Olovli izlar

ot

Endi har ikkalovining ham yuziga jiddiyat yugurdi. — H. Shams, Dushman

Talʼatning koʻzlariga jiddiyat choʻkdi. — Oʻ. Hoshimov, Qalbingga quloq sol

fl. 1. Jiddiy tus olmoq; keskinlashmoq.

Kurash jiddiylashdi.

2. Ogʻirlashmoq, yomonlashmoq.

Kasalning ahvoli jiddiylashdi.

3. Jiddiy koʻrinish olmoq, oʻychan holatga kirmoq, oʻzini jiddiy qilib koʻrsatmoq.

Fazliddin yirik tishlarini koʻrsatib, xoxoladi. Keyin jiddiylashdi. — Oybek, Tanlangan asarlar

Saodatxonning yuzi jiddiylashdi. — S. Zunnunova, Yangi direktor

— Gaplaringiz afsonaga oʻxshaydi, — sal jiddiylashdi yigit. — O. Moʻminov, Xiyobondagi uch uchrashuv

4. Murakkablashmoq, chigallashmoq.

Ahvol jiddiylashdi. — N. Safarov, Tanlangan asarlar

Iroqdagi vaziyat jiddiylashmoqda. — Gazetadan

fl. Jiddiylashmoq feʼlining orttirma nisbati.

fl. Jiddiylashtirmoq feʼlining majhul nisbati.