фл. 1. Жиддий тус олмоқ; кескинлашмоқ.
Кураш жиддийлашди.
2. Оғирлашмоқ, ёмонлашмоқ.
Касалнинг аҳволи жиддийлашди.
3. Жиддий кўриниш олмоқ, ўйчан ҳолатга кирмоқ, ўзини жиддий қилиб кўрсатмоқ.
Фазлиддин йирик тишларини кўрсатиб, хохолади. Кейин жиддийлашди. — Ойбек, Танланган асарлар
Саодатхоннинг юзи жиддийлашди. — С. Зуннунова, Янги директор
— Гапларингиз афсонага ўхшайди, — сал жиддийлашди йигит. — О. Мўминов, Хиёбондаги уч учрашув
4. Мураккаблашмоқ, чигаллашмоқ.
Аҳвол жиддийлашди. — Н. Сафаров, Танланган асарлар
Ироқдаги вазият жиддийлашмоқда. — Газетадан