Qidiruv

sft. 1. ayn. Jarangdor.

— Nigoraning kulishi bundan ham jarangli, — dedi oʻziga-oʻzi Sherbek. — S. Anorboyev, Oqsoy

2. tlsh. Tovush paychalarining ishtiroki bilan hosil boʻladigan, ovozli.

Jarangli undosh.

ot Metall, chinni, shisha buyumlarning urilishidan chiqadigan tovush haqida.

Chirmanda boʻgʻiq gumburlaydi. Qoʻngʻiroqlarning jarangidan vahima uchadi. — Oybek, Tanlangan asarlar

Uning [kelinchakning] kulgisi jonon piyolaning jarangiday tiniq edi. — S. Anorboyev, Oqsoy

Odamlarning qulogʻiga bayt-u gʻazaldan koʻra kumush tanganing jarangi xush yoqadigan boʻlibdi. — S. Siyoyev, Yorugʻlik

sft. Baland, yoʻgʻon, jarangli.

Jarangdor ovoz.

Anna Ivanovna oʻzining jarangdor tovushi bilan qah-qah urib kuldi. — Shuhrat, Shinelli yillar

Sizgadir yurakning jarangdor kuyi, Oqil Sharafiddin, mashhur otamiz. — A. Oripov

sft. 1. Jaranglamaydigan.

Jarangsiz piyola.

2. tlsh. Tovush paychalarining ishtirokisiz hosil boʻladigan, shovqinli.

Jarangsiz undosh (tovush).

sft. 1. ayn. Jarangdor.

Jaranglama dutor.

2. koʻchma Dabdabali, hashamdor; quruq.

Jaranglama quruq soʻz emas, ish kerak.

fl. 1. Metalldan chiqadigan singari baland ovoz chiqarmoq.

Tokchadagi chinnilar jaranglab ketdi.

Lekin zum oʻtmay yana rubob jarangladi. — Oʻ. Hoshimov, Qalbingga quloq sol

Toʻxtaxonning qoʻngʻiroqday jaranglagan ovozi qizlarning kulgisi ichida alohida eshitilib turar edi. — Sh. Rashidov, Gʻoliblar

2. koʻchma Yangramoq, baralla eshitilmoq.

Mening ona tilim, jon oʻzbek tilim, Katta oilada yangra, jarangla. — Gazetadan

Bu qoʻshiq goho avj pardalarda, goho pastroq ohanglarda jaranglab turadi. — Gazetadan