Qidiruv

ot 1. Harbiy qismlarning, qurolli kuchlarning qonli toʻqnashuvi, urush.

Jang qilmoq.

Madad uchun yuborilgan nemis tanklarining yoʻlini bizning tanklarimiz toʻsgan, soylikda tanklar jangi boʻlmoqda edi. — A. Qahhor, Oltin yulduz

Shayboniyxon hali hech qaysi jangga bunchalik jon-jahdi bilan tayyorlangan emas. — P. Qodirov, Yulduzli tunlar

2. Qarama-qarshi ijtimoiy guruhlarning toʻqnashuvi.

Sinfiy jang.

Qarama-qarshi gʻoyalar kurashi esa soʻnggi nafasgacha davom etadigan hayot-mamot jangidir. — OʻTA

3. sprt. Musobaqa.

Sportning boshqa turlari boʻyicha ham qattiq janglar davom etayotir. — Gazetadan

4. Bahs, munozara; janjal.

Ochilgach kelib ertasi hujrasi, Qilur jang-u janjal har ertasi. Muqimiy.

5. koʻchma Astoydil mehnat.

bu yil biz 3 mln 350 ming tonna oq oltin uchun jang olib bormoqdamiz. — Sharq yulduzi

sft. Urishqoq, janjalkash; urushga toʻymaydigan.

Jangari bola.

— Parvo qilmanglar. Muhabbatning oʻzi shunaqa jangariroq, — dedi bolasidan mehr toʻla koʻzlarini uzmay Tursunoy. — N. Safarov, Uzoqni koʻzlagan qiz

Jang koʻrib, qon koʻraverib, jangari boʻlib ketgan otlar asabiy kishnardi. — Saodat

ot 1. Urush, qatnashchisi, urushda qatnashayotgan kishi; harbiy.

Jangchilarning qudratli ovozi yer-koʻkni larzaga keltirdi, zambarak ovozidan ham dahshatliroq boʻlib, dushman okoplari ustiga yogʻildi. — J. Tashenov, Jangchi Oʻtegen

Jangchilar birpasda safga chizildilar. — Oybek, Quyosh qoraymas

2. Harbiy xizmat oʻtovchi oddiy askar, soldat.

ot Jang maydoni.

Bir koʻrishga zorman, tunda bedorman, Qaysi janggohdasan, mardi maydonim? — T. Toʻla

— Qani endi bir moʻjiza boʻlib, biz ham yosharib qolsag-u, Yoʻldoshvoyning yonginasida janggohga mardona kirsak. Gitler qizitaloqning adabini bersak! — dedi Qoʻldosh bobo. — H. Gʻulom, Toshkentliklar

ot 1. Urush va janglar haqidagi asar, qissa.

Men eski jangnomalarni oʻqib oʻrganganim uchun, gazetaning xati menga yot tuyulmadi. — M. Muhammadjonov, Turmush urinishlari

2. koʻchma Qahramonlik, gʻoliblik madhiyasi.

Biz qahramonlar ichiga tushuvimiz, ularning jangnomalarini yaratmogʻimiz kerak. — N. Safarov, Olovli izlar

sft. 1. esk. q. Jangchi.

Katta maydon jangovarlar bilan toʻla. — Oybek, Navoiy

2. Urush, jangga oid, urush-jang bilan bogʻliq.

Jangovar harakat. Jangovar tartib.

Petka uning soʻziga diqqat bilan quloq soldi-da, miyigʻida kuldi va jangovar bir epizodni aytib berdi. — A. Qahhor, Oltin yulduz

Soʻngra uchinchi rota komandiriga oʻng qanotdagi dushman rotasining jangovar pozitsiyasini aniqlashni buyurdi. — I. Rahim, Chin muhabbat

3. Janglarda chiniqqan, urush-janglarda oʻzini koʻrsatgan; shijoatli.

Jangovar xalq. Jangovar polk,

Asriyan qancha koʻp zeriksa, shuncha koʻp batalonini, undagi jangovar doʻstlarini eslaydigan boʻldi. — Shuhrat, Shinelli yillar

Jangovar yigitlarning tantiligi ularga juda qimmatga tushib ketdi. — M. Osim, Karvon yoʻllarida

4. koʻchma Kundalik, har doimgi; faol; otashin.

Adolatning: Oʻzimizni ishda ham koʻrsataylik, degan soʻzlari brigada qizlarining jangovar shiori boʻlib qoldi. — I. Rahim, Chin muhabbat

5. Juda muhim, tez fursatda bajarilishi zarur.

Kiyem Simferopolni ozod qilish uchun jangovar topshiriq oldi. — T. Rustamov, Mangu jasorat