Поиск

fl. 1. Izlamoq feʼlining majhul nisbati.

Izlangan narsa topildi.

2. Yon-verini, choʻntaklarini kovlab, biror narsa qidirmoq, timirskilanmoq.

Kampir biror narsa yoʻqotganday izlanar edi.

3. Yangilik topish uchun harakat qilmoq, yangilik izlamoq.

Chinakam sanʼatkor doimo izlanadi.

fl. 1. (yurib, qarab, soʻrab) Kimsa yoki narsani topish harakatida boʻlmoq; axtarmoq, qidirmoq.

Ish izlamoq. Ona oʻgʻliga qiz izlar edi. Choʻpon yoʻqolgan qoʻylarni izlamoqda edi.

Boshim eson, oʻtib ketdi koʻp yillar. Shakarbekni izlab, topmadim xabar. — Shirin bilan Shakar

Indiniga ertalab ona-bola yoʻlga chiqib, bedarak ketgan otani izlab ketdilar. — P. Tursun, Oʻqituvchi

quyuq qoshlari ostidagi yarim ochiq koʻzlari kimnidir izlagandek qaraydir. — A. Qodiriy, Oʻtgan kunlar

U kimnidir izlayotgandek, u yoq-bu yogʻiga picha alanglab qarab turdi. — M. Ismoiliy, Fargʻona tong otguncha.

2. Fikrlash, oʻylash orqali topish harakatida boʻlmoq; axtarmoq.

Bahona izlamoq. Yangilik izlamoq. Dalil izlamoq.

Matchon toʻra Jumagulga erishishga koʻzi yetmagach, uni Isfandiyorxonga inʼom qilib, unga yaxshi koʻrinish yoʻllarini izladi. — J. Sharipov, Xorazm

ot Biror narsani izlab topish uchun xizmat qiladigan asbob.

Mina izlagich.

fl. Izlamoq feʼlining orttirma nisbati.

fl. Izlamoq feʼlining birgalik nisbati.

sft. Doimo izlanishda boʻlgan, izlanish bilan mashgʻul, izlanishga berilgan.

Izlanuvchan olima oʻzining butun bilimi, kuchi, umrini ona-yurtga xizmat qilishga bagʻishladi. — Gazetadan

Umidli, izlanuvchan yoshlarimizning koʻpligi quvonchli holdir. — Gazetadan