Qidiruv

sft. Isteʼdodi (qobiliyati, talanti) yoʻq, qobiliyatsiz, talantsiz.

ot 1. Nihoyatda zoʻr ijodiy qobiliyat; layoqat.

Shoirlik isteʼdodi. Isteʼdod egalari.

Bilasiz, butun isteʼdodini xalq uchun sarflagan ulugʻ odamlar oʻzlarini grajdanin deb ataganlar. — P. Qodirov, Uch ildiz

Har kimsa oʻz isteʼdodiga qarab oʻzidan keyin biror iz qoldirib ketishi kerak. — J. Sharipov, Xorazm

Isteʼdodli bola har qanday oilada dunyoga kelishi mumkin, lekin undagi isteʼdodning namoyon boʻlishi — Tafakkur

2. Isteʼdod egasi.

Isteʼdod — jamiyatning intellektual mulki. — Tafakkur

Asr boshida adabiyot sahnasiga chiqqan adiblarimiz katta isteʼdodlar edilar. — Gazetadan

Isteʼdodlarni ham xalq oʻzi yetkazib beradi, talantlar xalq ichidan yetishib chiqadi. — Gazetadan

sft. Isteʼdodga ega boʻlgan; qobiliyatli, layoqatli.

Bizningcha, isteʼdodli bola deganda, noyob intellektual salohiyatga ega boʻlgan hamda jamiyat taraqqiyotini belgilovchi, ijtimoiy qimmati zoʻr bilimlarni mukammal egallashga qobil oʻquvchini tushunishimiz lozim. — Tafakkur

Bobur endi oʻn toʻqqizga kirgan yosh yigit boʻlsa ham, nihoyatda isteʼdodli, nihoyatda dovyurak sarkarda ekanini Shayboniyxon amalda koʻrdi. — P. Qodirov, Yulduzli tunlar