Qidiruv

Oʻrnatilgan vaqt davomida tizimning oʻz funksiyalarini bajara olish qobiliyati. Ishonchlilikni baholash uchun ham hisob-kitoblar asosidagi, ham statistik (sinovlar jarayonida olingan) xarakteristikalar qoʻllaniladi va ular, odatda, qurilmani ishga layoqatli holatda boʻla olish vaqtining foizi sifatida aniqlanadi. Ishonchlilikning asosiy koʻrsatkichlari: buzilishga oʻrtacha ishlash muddati, oʻrtacha tiklash vaqti va boshqalar.inglizchareliabilityruschaнадежность

ot 1. Ishonish hissi, tuygʻusi.

Ishonch bilan gapirmoq; Ishonch uygʻotmoq.

Oʻninchisi ham gapmi, istaganicha topishi mumkin — istak, ishonch oʻlmasa bas — Gazetadan

Yoʻlchi chakki odamlarni topmadi, Yormatning haqsiz ekaniga ishonchi kundan-kun ortdi. — Oybek, Tanlangan asarlar

Bor ishonchim: bir kuni Yongay quyosh qutb uzra ham. — E. Vohidov, Muhabbatnoma

2. Eʼtimod etilgan, suyanilgan, umid bogʻlangan shaxs yoki narsa.

Modomiki, ikkimizning yolgʻiz ishonchimiz shu oʻgʻlimiz ekan bizga lozimi, uning xursandligi nima bilan boʻlsa, shuni axtarishdir. — A. Qodiriy, Oʻtgan kunlar

Elmurodning gʻurur bilan gapiradigan gapi — kelajakka ishonch va umidi boʻlib qoldi. — P. Tursun, Oʻqituvchi

Berilgan sharoitlarda ishonchlilik koʻrsatkichlarini aniqlash uchun oʻtkaziladigan sinovlar.

sft. Ishonsa boʻladigan, pand bermaydigan.

Ishonchli odam

Siz suyanchiqlarga ishonib boʻpmiz, janoblar! Boshqa ishonchli suyanchiqlarni topamiz. — H. Gʻulom, Mashʼal

Bu tashkilotda siz mening eng ishonchli, suyanadigan kishim boʻlasiz. — N. Aminov, Suvarak

Abdugʻaffor aka dehqonchilikning istiqboli ishonchli qoʻllarda boʻlishini orzu qilardi. — Gazetadan

ot s.t. Ishonchli.

sft. 1. Ishonib boʻlmaydigan; betayin.

Ishonchsiz kishi bilan ishlama, Ajablanib, bir kun tiling tishlama. — Maqol

U podshohni lashkar ichidagi ishonchsiz shaxslardan ogoh etar, ularni jallod qoʻliga topshirardi. — Mirmuhsin, Meʼmor

2. Umid-ishonchi yoʻq, ishonchsizlik ifodalovchi.

Doʻstining tashvishini ishonchsiz kulgi bilan yoʻqotishga tirishdi. — Oybek, Quyosh qoraymas

xuddi sahnaga birinchi bor chiqayotgan havaskor sanʼatkordek, ishonchsiz qadam bilan telefonga bordi. — F. Musajonov, Himmat