Поиск

ot katta (I —) Shashmaqom tizimidagi oltinchi maqom nomi (q. shashmaqom).

Iroqni iroqdagi yoriga eshitilsin, deb kuylar edi. — M. Ismoiliy, Fargʻona tong otguncha.

ot Kashtadoʻzlikda toʻrga, kanvaga ip yoki ipaklarni kesishtirib, krest shaklida gul tikish usuli va shu usulda tikilgan narsa.

Iroqi tikmoq. Iroqi jiyak.

Boshidagi iroqi doʻppisi husniga husn qoʻshardi. — Sh. Rashidov, Boʻrondan kuchli

ot Iroq hududida yashovchi shaxs.

zidl. bogʻl. Teng maʼno va vazifali gap boʻlaklari yoki gaplarni zidlov yoʻli bilan bogʻlaydi hamda mazmunan avvalgisiga zid fikrning boshlanishini anglatadi.

Havo bulut boʻldi, biroq yomgʻir yogʻmadi.

Chavandozlardan biri marraga yaqin qolganda yiqilib tushdi, biroq unga hech kim parvo qilmadi. — K. Yashin, Hamza

ot 1. Eng yaqin, sevimli kishidan judo boʻlish, ayrilish va bu tufayli tortiladigan ruhiy azob; ayriliq, judolik, hijron.

Mardni oʻldirar firoq, Nomarddan nomus yiroq. — Maqol

Qaysi dildor oʻz yoriga firoq iztirobini ravo koʻradi. — M. Joʻra, Iztirob

Volidamiz bedom-darak ketgan ikki oʻgʻlining firoqida kuyib, yotib qolibdilar. — A. Qahhor, Qoʻshchinor chiroqlari

2. Injiqlik, erkalik; tantiqlik, noz-u istigʻno.

Toʻfaxon, firoq bilan qosh chimirib, bilganingiz deganday yelka uchirib qoʻydi. — H. Nazir, Koʻkterak shabadasi

U ham sal narsaga zarda, firoq qiladigan boʻlib qoldi. — Mushtum

3. Jahl, zarda.

Xadicha xola firoq qilib, uyga kirib ketdi. — T. Alimov, Sovgʻa

— Iye, ha, firogʻing kimga, hazil ham qilib boʻlmaydimi yoki arpangizni xom oʻrib qoʻydikmi? — dedi Shahlo Zuhraga. — R. Fayziy, Dugonalar

ot folk. Afsonaviy uchar ot.

Asli zoting sening piroq, Arzirum shahar koʻp yiroq; Kelgin yuganga sen tezroq. — Nigor va Zamon

Eshon bedovga qamchilar urib, tinmayin choʻlda yurib, choptirib piroq otdi, kun tushlikda Maymanoqqa yetdi, supa boʻyida otni toʻxtatdi. — Zulfizar bilan Avazxon

Yonida bor kesadigan yarogʻi, Yulduzni koʻzlaydi mingan pirogʻi. — Erali va Sherali