Поиск

ot 1. Birlashib, katta daryo hosil qiluvchi har bir ayrim kichik daryo.

Sirdaryo irmoqlari.

Yolgʻiz oqqan irmoq ham foyda keltiradi, qizim, axir, oqib-oqib, daryoga qoʻshiladi-ku! — Sh. Rashidov, Boʻrondan kuchli

Gʻayratlar paxta terayotgan yerlarning oxirida Zarafshon daryosining bir irmogʻi — Qoradaryo oʻtadi. — M. Hazratqulov, Jurʼat.

2. Umuman, daryocha, kichik daryo.

Bu vodiyning quyoshi ham bizniki, Baxmal qir-u zumrad irmoqlari ham. — Gʻ. Gʻulom

Muzliklar ostidan chiqayotgan suv kichik irmoq hosil etib oqardi. — S. Karomatov, Oltin qum.

ot 1. esk. Nasl, zot.

2. Kishilarning koʻz, soch va teri rangi, yuz-bosh tuzilishi va shu kabilar nasliy belgilari bir xil boʻlgan, tarixan shakllangan har bir guruhi.

Turli irqlarga mansub kishilar huquqiy tenglik asosida tez-tez uchrashib turish va hamkorlik qilish imkoniyatiga egadirlar. — Gazetadan

Bunda bor qancha irq va qancha millat. — E. Vohidov

ot etn. Biror maqsad, niyat bilan qilingan xurofiy tadbir (masalan, toʻydan yaxshi niyat bilan biror narsa olib ketish; dard-baloni qaytarish, ziyon-zahmatdan, koʻz tegishdan saqlash uchun biror narsani boshdan oʻgirib tashlash va boshqalar).

Ona-bola darvozadan chiqayotganda esa, irimini qilib, qoʻlidagi oyna ustiga obdastadan suv yugurtirib, Latofat bilan kelini koʻzdan gʻoyib boʻlguncha qarab qoldi. — S. Karomatov, Hijron

Eski irimlardan qutulib ketmagan baʼzi boʻltaklar xodaning ustiga isiriq bogʻlab qoʻyadilar. — A. Qodiriy, Obid ketmon

ot esk. Lab, dudoq.

Yarim ochiq irinlari ichidagi oq tishlari bilan tilini gʻarchcha tishlagan-da, goʻyo shu turmushda, shu zamonda tugʻilgani uchun attang oʻqiydir. — A. Qodiriy, Oʻtgan kunlar

ot Gulsapsar

gunafsha rang gulsapsar.

Koʻz rangdor (yoy) pardasining yalligʻlanishi (bunda koʻz yoshlanadi, xiralashadi, qattiq ogʻriydi, bemor yoruqqa qaray olmaydi)