Поиск

Koʻz rangdor (yoy) pardasining yalligʻlanishi (bunda koʻz yoshlanadi, xiralashadi, qattiq ogʻriydi, bemor yoruqqa qaray olmaydi)

fl. Mikroorganizmlar taʼsirida buzilmoq, sasib-bijgʻib, yaroqsiz holga kelmoq; aynimoq, chirimoq.

Goʻsht iribdi.

Lat yeb irigan anorlarning suvi chiqib, pullarga oʻtib ketibdi. — X. Toʻxtaboyev, Sariq devni minib

Dehqonboy ota kattakon toʻrlama qovun tumshugʻidagi irigan yerini oʻyib tashlab, karj qilib soʻydi. — Mirmuhsin, Yuzida niqobi bor

fl. Irimoq feʼlining orttirma nisbati.

ot etn. Biror maqsad, niyat bilan qilingan xurofiy tadbir (masalan, toʻydan yaxshi niyat bilan biror narsa olib ketish; dard-baloni qaytarish, ziyon-zahmatdan, koʻz tegishdan saqlash uchun biror narsani boshdan oʻgirib tashlash va boshqalar).

Ona-bola darvozadan chiqayotganda esa, irimini qilib, qoʻlidagi oyna ustiga obdastadan suv yugurtirib, Latofat bilan kelini koʻzdan gʻoyib boʻlguncha qarab qoldi. — S. Karomatov, Hijron

Eski irimlardan qutulib ketmagan baʼzi boʻltaklar xodaning ustiga isiriq bogʻlab qoʻyadilar. — A. Qodiriy, Obid ketmon

ot esk. Lab, dudoq.

Yarim ochiq irinlari ichidagi oq tishlari bilan tilini gʻarchcha tishlagan-da, goʻyo shu turmushda, shu zamonda tugʻilgani uchun attang oʻqiydir. — A. Qodiriy, Oʻtgan kunlar

ot Gulsapsar

gunafsha rang gulsapsar.