Qidiruv

ot esk. Lab, dudoq.

Yarim ochiq irinlari ichidagi oq tishlari bilan tilini gʻarchcha tishlagan-da, goʻyo shu turmushda, shu zamonda tugʻilgani uchun attang oʻqiydir. — A. Qodiriy, Oʻtgan kunlar

rvsh. Birining ketidan biri, ketma-ket, orqama-orqa; navbat bilan.

Kambagʻallar birin-ketin pastga tushishdi. — K. Yashin, Hamza

Majlis tugab, odamlar idoradan birin-ketin chiqa boshladilar. — P. Tursun, Oʻqituvchi

Elmurod orqasiga burilib, Latifiy bilan Arab-boyning birin-ketin kelayotganini koʻrdi-da, gʻazablandi. — P. Tursun, Oʻqituvchi

Artilleriya dushman okoplarini, oʻt ochish nuqtalarini birin-ketin tor-mor qilmoqda edi. — A. Qahhor, Oltin yulduz

Olma-oʻrik va shu kabi tur mevalar ham birin-ketin pishib, odamlarning ogʻizlariga tegdi. — K. Yashin, Hamza

ot Esk. ayn. bronza.

Haykalni atayin qolip yasatib, atay birinjdan quyganidan keyin izidan biror iltimosi boʻlmogʻi ham tayin-da, axir. M. — M. Doʻst, Lolazor

taql. s. Metall, chinni, shisha buyumlarning urilishidan chiqadigan nozik tovush haqida.

Telefon jiring etdi. Pulga oʻch u [Samandarov], yoningizda tanga jiring etsa, labbay, gapirdingizmi? deb turadigan odam. — A. Muxtor, Tugʻilish.

sft. 1. Shirasi oʻtkir, shirali.

Shirin qovun. Shirin ichimlik.

Shirin mevalarga oʻrgangan ogʻizlariga bu yerning nordon neʼmatlari yoqmadi. — Oybek, Quyosh qoraymas

2. Taʼmi yoqimli, mazali, lazzatli.

Shirin shoʻrva.

— Albatta, albatta, — dedi Sulaymonov jiddiy qiyofada, — masalan, baliq — koʻp yaxshi narsa, qovurilsa, qanday shirin boʻladi! — A. Qahhor, Ikki yorti — bir butun

Mening ikki onam bor, Ikkisi ham mehribon: Biri menga sut berdi, Biri esa shirin non. — Uygʻun

siz pishirgan taom shu darajada shirin, lazzatli boʻladiki — Mirmuhsin, Meʼmor

3. koʻchma Kishi huzur qiladigan, orom oladigan, lazzatlanadigan, xush yoqadigan; yoqimli, yoqimtoy.

Shirin xayollar. Shirin tush koʻrmoq. Shirin muomala. Shirin soʻz shakardan shirin. — Maqol

Muharram shirin tabassum bilan kuldi-da, bejirim labining ikki burchagini nozik toʻr tutilgan dast-roʻmolchasi bilan artib qoʻydi. — Shuhrat, Shinelli yillar

Bir ogʻiz shirin soʻz — nondek arzanda. — Gʻ, Gʻulom

U shovqin-suron ichida shunday shirin uxlardiki, bunday uyqu halol ishlab charchagan vaqtdagina boʻlishi mumkin. — Sh. Rashidov, Boʻrondan kuchli

Voy, muncha shirin boʻlmasang! Juda aqlli bolasan-da! — S. Siyoyev, Yorugʻlik

— Doʻmbillamay qolsin shu shirinlar-yey! — deguvchi edi, harbiylarni koʻrganda bir oʻrtogʻim. — Oydin, Sadagʻang boʻlay, komandir

4. Ahil, totuv.

Shirin oila.

Dunyoda bitsin urush, Yer yuzi koʻrmasin dogʻ, Gullasin shirin turmush, Tinchlik boʻlsin hamma yoq. — Q. Muhammadiy

5. Shirin (xotin-qizlar ismi).

ot Toʻqimalarning yalligʻlanishidan hosil boʻladigan sargʻish-koʻk rangli, yomon hid tarqatadigan suyuqlik; fasod.