фл. Ирғитмоқ феълининг мажҳул нисбати.
Қидирув
«ирғитилмоқ» бўйича 9 та натижа: Изоҳли
Луғат мақолалари
9 тафл. айн. Сакрамоқ.
Ариқдан ирғиб ўтмоқ.
- Ирғиб (ўрнидан) турмоқ Чаққонлик билан тез, қалқиб (ўрнидан) турмоқ, дик этиб (ўрнидан) турмоқ. Худди босинқираган одамдек, ирғиб ўрнимдан турдим. — Н. Сафаров, Оловли излар
- Ирғиб тушмоқ Бехосдан юқорига кўтарилиб тушмоқ, сапчиб кетмоқ. Оёғимга бир нарса тегиб, ирғиб тушдим.Содиқжон бойвачча бу гапни эшитиб, бир ирғиб тушди. — К. Яшин, Ҳамза
- Ирғиб чиқмоқ Ташқарига бўртиб, туртиб чиқмоқ (кўз соққаси, томир ва шу кабилар ҳақида). Ирғиб чиққан кўзлар. Ирғиб чиққан томирлар.Унинг Икўчқорнинг] офтобда қорайган ориқ пайлари ирғиб чиққан, оёғи тарашага ўхшарди. — А. Убайдуллаев, Ҳаёт оқими
фл. 1. Ирғимоқ феълининг орттирма нисбати.
Илон юрган қийин ёʻлдан
Чу деб отини ирғитди. — Нигор ва Замон
2. Отмоқ, улоқтирмоқ.
Елкадаги юкни ирғитмоқ. Қўлга тушган нарсани ирғитмоқ.
Ғуломжон қамчини мингбошининг қўлидан юлиб олиб, супага ирғитди. — М. Исмоилий, Фарғона тонг отгунча.
Қўзибой ҳар тошни ирғитганда, гимнастикачилардай енгил гавдаси билан бир ирғиб тушар ва бу қилиғидан ўзи завқланиб куларди. — Ҳ. Назир, Сўнмас чақмоқлар
3. Юқорига томон силкимоқ, кўтариб ташламоқ.
Арава оҳиста ёʻл босарди, қўтослар секин, ялқов қадам ташлар ва ўқтин-ўқтин аравакаш хўш-хўш! деб, қуруқ суяк қўтосларга қамчи ирғитиб қўярди. — Ойбек, Нур қидириб
Ер, худди от олиб қочган аравадай, кишини ирғитиб-ирғитиб ташлар эди. — А. Қаҳҳор, Олтин юлдуз
фл. Ирғимоқ феълининг биргалик нисбати.
фл. Бир неча бор ёки тинимсиз ирғимоқ, сакрамоқ.
-Ака! — деди Дилбар ва суюнганидан ёш боладай ирғишлай бошлади. — Ж. Абдуллахонов, Тонг ёришган соҳилда
Яқинда борсам, қизчалар мени қуршаб олиб, ирғишлаб чапак чалишди: Суюнчи, суюнчи деб. — А. Мухтор, Туғилиш
Бузоқ ирғишлаб ўйнаб бориб, говмишнинг елинига ёпишди. — Т. Мурод, Қўшиқ.
фл. Ирғитмоқ феълининг биргалик нисбати.