Поиск

fl. 1. Biror narsaga, kimsaga yoki tomonga otilmoq, tashlanmoq, harakat qilmoq.

Juvon Shoxni ushlagani ikki-uch intilib, ushlay olmadi. — A. Qahhor, Qoʻshchinor chiroqlari

Asqar ota koʻziga yuvoshroq koʻringan bir otni sinamoqchi boʻlib mingan edi, ot anhorga intildi. — A. Qahhor, Xotinlar

2. Maqsad yoʻlida, unga erishish, amalga oshirish uchun harakat qilmoq.

Ilm-maʼrifatga intilmoq. Intilganga tole yor.

U xuddi singlisining qotilini endi topganday, titrab-qaqshab, qasosga intilardi. — Shuhrat,Shinelli yillar

Sherali vaziyatni yumshatishga intildi. — S. Karomatov, Oltin qum

ot Intilmoq feʼlidan sifatdosh.

fl. 1. Intilmoq feʼlining harakat nomi

Hayotni bilish va undan oʻzining loyiq oʻrnini topishga intilish — har bir kishining umidi. — Shuhrat, Shinelli yillar

2. Maqsad, biror narsaga erishish yoʻlidagi harakat.

Millatparvar kishilar barcha adovatlarni, mansab uchun boʻlgan intilishlarni bir chetga surib qoʻyib, yangi rahbar atrofiga birlashadilar — E. Yusupov, Istiqlol yoʻlida

Birinchi muvaffaqiyatsizlikdayoq oʻz maqsadi, intilishlaridan voz kechgan kishi haqiqiy ziyoli emas, u hech vaqt haqiqiy odam boʻla olmaydi. — E. Yusupov, Istiqlol yoʻlida

3. Moyillik sezgisi; mayl (ishq, sevgi haqida).

Qiz Sirojni sevadimi, yoʻqmi —oʻzi ham bilmas edi. Ammo koʻnglida Sirojga intilish sezib yurardi. — F. Musajonov, Huri

Adolat oʻziga narigi mahalladagi Sulton-hoji boyning sovchi qoʻydirayotganini sezib qolgandi. Bu narsa Adolatning Usmonjonga boʻlgan intilishini kuchaytirib yubordi. — S. Zunnunova, Gulxan

fl. Intilmoq feʼlining orttirma nisbati.