Қидирув

фл. Ингилламоқ феълининг биргалик нисбати.

тақл. с. Чақалоқнинг йиғисига ўхшаш овоз ҳақида.

Инг демоқ. Инг деган овози чиқмади.

фл. Инг-инг деган товуш чиқармоқ (асосан, гўдакнинг йиғиси ҳақида).

Кенжамизни тиззамга олдим. У дастурхонни олиб кетаётган онасига қўлини чўзиб ингиллади. — Т. Мурод, От кишнаган оқшом

тақл. с. Чақалоқ йиғисига тақлидни билдиради.

Темир ёʻл ишчилари турадиган тунука томли умумий ётоқхонанинг чеккадаги хонасидан гўдак ингаси, Ҳадянинг алласи эшитиларди. — Ш. Тошматов, Эрк қуши

от 1. Англия туб аҳолисининг номи.

2. Шу аҳолига (халққа) мансуб.

Инглиз тили. Инглиз олими.

сфт. 1. Кўндаланг кесими меъёрдан кичик; зид. ёʻғон.

Ингичка ип. Ингичка сим. Ингичка толали пахта. Ингичка толали жун.

Секретарнинг чўзиқ ва сотма юзи ҳам, ингичка сариқ қоши ҳам нам эди. — Х. Тўхтабоев, Шонли авлод

2. Чийилдоқ, ўткир (товуш ҳақида).

Унинг ингичка товуши менга танишдай туюлди.

Қизиқчи ингичка, қулоқни тешадиган даражада қаттиқ додлаганидан ҳамма кулиб юборди. — Т. Обидов, Юсуфжон қизиқ

3. кўчма Нозик ифодали, нозик.

[Ёрмат] Қўлини аллақандай чуқур, ингичка маъно билан бўшанг силкиди. — Ойбек,Танланган асарлар

Бу чучмал адоват билан ингичка табиатли Анварнинг не кайфиятга тушишини тасаввур қилолмас эди. — А. Қодирий, Меҳробдан чаён