Qidiruv

fl. Ing-ing degan tovush chiqarmoq (asosan, goʻdakning yigʻisi haqida).

Kenjamizni tizzamga oldim. U dasturxonni olib ketayotgan onasiga qoʻlini choʻzib ingilladi. — T. Murod, Ot kishnagan oqshom

taql. s. Chaqaloqning yigʻisiga oʻxshash ovoz haqida.

Ing demoq. Ing degan ovozi chiqmadi.

taql. s. Chaqaloq yigʻisiga taqlidni bildiradi.

Temir yoʻl ishchilari turadigan tunuka tomli umumiy yotoqxonaning chekkadagi xonasidan goʻdak ingasi, Hadyaning allasi eshitilardi. — Sh. Toshmatov, Erk qushi

ot 1. Angliya tub aholisining nomi.

2. Shu aholiga (xalqqa) mansub.

Ingliz tili. Ingliz olimi.

sft. 1. Koʻndalang kesimi meʼyordan kichik; zid. yoʻgʻon.

Ingichka ip. Ingichka sim. Ingichka tolali paxta. Ingichka tolali jun.

Sekretarning choʻziq va sotma yuzi ham, ingichka sariq qoshi ham nam edi. — X. Toʻxtaboyev, Shonli avlod

2. Chiyildoq, oʻtkir (tovush haqida).

Uning ingichka tovushi menga tanishday tuyuldi.

Qiziqchi ingichka, quloqni teshadigan darajada qattiq dodlaganidan hamma kulib yubordi. — T. Obidov, Yusufjon qiziq

3. koʻchma Nozik ifodali, nozik.

[Yormat] Qoʻlini allaqanday chuqur, ingichka maʼno bilan boʻshang silkidi. — Oybek,Tanlangan asarlar

Bu chuchmal adovat bilan ingichka tabiatli Anvarning ne kayfiyatga tushishini tasavvur qilolmas edi. — A. Qodiriy, Mehrobdan chayon

fl. 1. Ogʻriq-alam taʼsirida mungli, ingroq tovush chiqarmoq.

Bir kechasi bemor juda azob tortdi. U har ingraganda, Sotiboldi, chakkasiga burov solingan kishiday, talvasaga tushar edi. — A. Qahhor, Bemor

Bu dard oʻqtin-oʻqtin yuragida shunday toʻlgʻanardiki, qiz beixtiyor ingrab yuborar edi. — Oybek, Oltin vodiydan shabadalar.

2. koʻchma Shunday azob-alamli holatda boʻlmoq.

Mustamlaka xalqlari imperializm zulmi ostida asrlar boʻyi ingrar edi.

Toʻrt oʻgʻlim, xotinim Ivanov otli bir boyning otxonasi yonidagi kichkina, qorongʻi zax uyda ingrab kun kechirardik. — M. Joʻraboyev, M. B. martabasi.