Поиск

ot Xudo.

Ishondim: dunyoga kelgan kunidan Bashar izlamabdi besabab iloh. — E. Vohidov, Muhabbat

sft. Xudoga, ilohiyotga oid, xudoning qudratiga bogʻliq, deb tasavvur qilinadigan.

Ilohiy kuch.

Ayol — yaratuvchi ona. Xudo unga shunday ilohiy bir qudrat ato etgan. — Mehnat

Siz bilan biz din-u shariatning ilohiy quvvatiga hech shak keltirmaylik, bu gapni qoʻying, taqsir. — P. Tursun, Oʻqituvchi

ot Xudo va din aqidalari haqidagi diniy taʼlimotlar majmui; teologiya.

Ulugʻbek koinot va yulduzlar olamini oʻrganishda ilohiyotga emas, ilmga, fanga asoslangan yangi munajjimlik faniga asos soldi. — N. Safarov, Olovli izlar

fl. Ilohga, ilohiyotga bogʻlamoq, ilohiy tus bermoq.

Dehqonlar yerni, suvni, olovni ilohiylashtirib, ularga sigʻinganlar. — R. Gʻulomova, Topilmalar hikoya qiladi

Shayx, oʻz eʼtiqodini ilohiylashtirish uchun boʻlsa kerak, qoʻlidagi kitobini pichirlab oʻqiy boshladi. — N. Safarov, Olovli izlar

fl. Ilohiylashtirmoq feʼlining majhul nisbati.