«ilgaridan» boʻyicha 25 ta natija: Izohli
rvsh. 1. Oʻtgan vaqtlardan; avvaldan, azaldan.
Akam yoshlik qilgandir, ham oʻzi uncha-muncha gapni koʻtarmaydigan yigit, ilgaridan feʼli shundoq. — Oybek, Tanlangan asarlar
Ilgaridan qolgan bir naql bor: Kul yugurigi — oshga, til yugurigi — boshga. — Bahrom va Gulandom
2. ayn. Oldindan.
U bu pulni ilgaridan tayyorlab qoʻygan boʻlsa kerak, yonidan oldi-yu, sanamay uzatdi. — S. Ahmad, Ufq
rvsh. 1. Oʻtgan vaqtlar(da), hozirgi vaqtdan oldin; burun.
Shaharda ilgari koʻnkani ot surgar edi. — Oybek, Tanlangan asarlar
Ilgari juda qulay boʻlib koʻringan narsa, endi atroflicha oʻylaganda, hazilakam emasligi ravshanlashdi. — Oybek, Tanlangan asarlar
Urganch shahriga ilgari faqat tuya karvonlari bilan borilar edi. — Gazetadan
2. Birinchi navbatda; oldin, avval.
Qoʻrqoq ilgari musht koʻtaradi. — Maqol
Ashirbek ilgari, Vafobek keyin, Oqlabdi qirq yigit bergan tuzimni. — Yusuf va Ahmad
3. Oldingi oʻrinda; oldin(da).
Ketayotir Oypari hamma qizdan ilgari. — Folklor
Hudaychi Azizbekdan ilgariroqda qoʻriqchilarni ogohlantirib borar — A. Qodiriy, Oʻtgan kunlar
4. Olgʻa tomon; ilgariga, old tomonga.
Oʻlgan, yarador boʻlganlarga qaramay, qoʻzgʻolonchilar katta suron bilan ilgari otilib, toshboʻronni kuchaytirdi. — Oybek, Tanlangan asarlar
Qudrat bilan Gʻulomjon ham bir necha odim ilgari yurdi. — M. Ismoiliy, Fargʻona tong otguncha.
Qoʻrgʻon ustida yasov tortgan qahramonlar qoʻl bogʻlab, ikki bukilgansimon taʼzim bilan Azizbekni ilgariga oʻtkaza boshladilar. — A. Qodiriy, Oʻtgan kunlar
5. koʻm. vzf. Narsa, hodisaning oʻzi bogʻlanib kelgan soʻz, soʻz birikmasi bildirgan vaqt, xatti-harakat va shu kabilardan oldinga oidligini (shunday munosabatni) bildiradi.
Toʻydan ilgari nogʻora chalmoq. Hammadan ilgari eshitdim.
Amirga inqiyod etishdan ilgari shu toʻgʻrida javob bersangiz. — A. Qodiriy, Mehrobdan chayon
Bundan bir necha soat ilgari qaygʻudan boshqa ovqatni tanimagan bu ikki yor endi sevinib, ishtaha bilan yeya boshladilar. — Oybek, Tanlangan asarlar
sft. 1. Oʻtmish vaqtdagi, oʻtmishga oid; avvalgi, burungi, qadimgi.
Ilgarigi odamlar ancha sodda, rahmdil ekanini dilidan oʻtkazdi. — Mirmuhsin, Meʼmor
2. Yaqin oʻtmishdagi, nisbatan oldingi; boshdagi, dastlabki.
Uch daqiqali kurashdan soʻng, Mutal boʻshashdi, ilgarigi kuchanishlaridan qoldi va bir-ikki dafʼa toʻlgʻanib, jimgina jon berdi. — A. Qodiriy, Oʻtgan kunlar
Darhaqiqat, Malakda ilgarigi chaqnash, ilgarigi joziba, ilgarigi hayajon soʻngan edi. — Mirmuhsin, Yoʻqolgan javohir
Avaz ilgarigidan battarroq shiddat bilan davom etdi. — S. Siyoyev, Yorugʻlik
3. ayn. Sobiq.
Keyingi yillarda partiya yacheykasining kotibligiga koʻtarilgan Abdurasul ilgarigi xoʻjayini Olaxoʻja va uning sheriklarini koʻproq tashvishga solib qoʻydi. — P. Tursun, Oʻqituvchi
Oldingidek.
Oldingi, avvalgi, eski; avvalgi davrlarda;
ilgarilar bu yerda odamzod boʻlmas edi.
Ilgarigi vaqtlarda; burun.
Ilgarilari odamlar oyogʻi yetmagan yerlar endi gullab-yashnamoqda.
cho‘rtkesar Shartta gapiradigan, aytadigan. Men togʻamning haqgoʻy, talabchan, oʻrni kelganda choʻrtkesar odamligini ilgaridan bilardim. Sharq yulduzi
o‘lchak shv . Oʻlchov, oʻlcham. Amlokdor ularga [dehqonlarga] ham ilgaridan ekilib kelgan yerlar qatorida bir oʻlchakdan soliq soldi. S. Ayniy, Esdaliklar
oqsuyak Ekspluatatorlik jamiyatida imtiyozli tabaqalarga, zodagonlarga mansub kishi; aristokrat. Xoʻjalar ilgaridan biz arab avlodimiz, oqsuyakmiz, deb oʻzlarini baland t
bumazey Teskari tomoni paxmoq tukli, qalin ip-gazlama. Bir koʻylaklik bumazey. Bumazey xalat, Uning ilgaridan durkun gavdasi yana ham toʻlishib, olachipor bumazey xalatin
sheluxa Magʻzi ajratib olingan chigit; chigit poʻchogʻi (odatda mollarga yem sifatida beriladi). Fargʻonadagi sobiq Gidroliz zavodi ilgaridan sheluxadan spirt ishlab chiq
trayektoriya Harakatdagi nuqta yoki jismning tekislikdagi, fazodagi yoʻli, izi. Harakat trayektoriyasi. Snaryad trayektoriyam. Yerning sunʼiy yoʻldoshi trayektoriyasi. Ji
Bahrom hunarga qiziqqan shahzoda boʻlib, otasi bilan kelishmovchilik tufayli yurtidan ketadi. U oʻz hunari tufayli xavfli vaziyatdan qutulib, sevgisini topadi.
Bu ertakda Kal ismli bir yigitning jasorati va topqirligi tasvirlanadi. U o'zining aql-zakovati bilan qiyin vaziyatlardan chiqib, hatto podshohlikka erishadi.
