от 1. Белгили тартибда бошқариб, ёʻлга солиб бориш; бошқариш
Идора усули.
Отабек айтди: — Энди бизнинг Тошкент халқи қипчоқларнинг жабр-у зулми ва тадбир идораси остида ётиб, жуда тўйди. — А. Қодирий, Ўтган кунлар
2. Маълум бир ижтимоий, давлат, хўжалик, савдо ва шу кабилар тармоқларни бошқариш учун штатли ходимлари ва маъмурияти бўлган ташкилот, муассаса, бошқарма ва улар ўрнашган бино.
Бошқарув идоралари. Мусулмонлар идораси. Идорада ишламоқ.
Стансиянинг идораси, почта ва телеграф иккита кўк вагонга жойлашган — А. Қаҳҳор, Олтин юлдуз
Шербекнинг ёдига раиснинг бултур идорада ўтириб айтган бошқа сўзлари тушди. — С. Анорбоев, Оқсой
- Идора этмоқ (ёки қилмоқ) 1. Бошқармоқ, раҳбарлик қилмоқ. Давлатни идора қилмоқ. У катта бир ташкилотни идора қилиб турибди;Ҳар бир мажлиснинг жонлантирувчи, идора қилувчи бир-икки қаҳрамони бор бўлганидек, бу қизлар мажлиси ҳам шундай қаҳрамонлардан холи эмас эди — А. Қодирий, Ўтган кунларЎзини идора қилмоқ. Ўз иродасини идора қилмоқ.Албатта, уларнинг тилини дарров билиб олиб, идора қилиш учун ўқиган, саводли одамлар керак — П. Турсун, ЎқитувчиИродамни идора қиларлик журъат тополмай қолдим. — Н. Сафаров, Оловли излар