Поиск

sft. 1. Hushidan ketgan, hushini yoʻqotgan; behush.

Ertasiga Rahmatillani qoʻli singan, boshi yorilgan va hushsiz holatda maktab yonidagi bir chuqurlikdan topib, kasalxonaga joʻnatishdi. — A. Qahhor, Qoʻshchinor chiroqlari

Tun boʻyi hushsiz yotdi. Tongga yaqin arang koʻzini ochdi. — J. Abdullaxonov, Oriyat

2. Es-hushi joyida emas, xayoli parishon; behush, parishonxotir.

Anvar mehmonxonaga kirib keluvchi Sultonalidan ham ibo qilmay, goʻyo hushsiz kabi, boshini ikki qoʻli orasiga olib, sandal ustiga engashdi. — A. Qodiriy, Mehrobdan chayon

Muhammad Jamol mahbubasidan ayrilib, telbalarday essiz, hushsiz qoldi. — Oybek, Nur qidirib

ot Kishining biror narsa-hodisani sezish, idrok etish, anglash qobiliyati, shunday sezgi, idrokka ega holat.

Kumush seskanib oʻziga keldi. Xushdan ajralayozgan bechoralar [qutidor, Oftob oyim] bu holdan bir oz jonlangandek boʻldilar. — A. Qodiriy, Oʻtgan kunlar

Uning gapi Sidiqjonning qulogʻiga kirmas edi. Sidiqjon to hushini oʻnglaguncha, Boltaboy bostirmaga kirib keldi. — A. Qahhor, Qoʻshchinor chiroqlari

ot 1. Hushsiz holat; behushlik.

Bozor hali uning yuzini koʻrolgani yoʻq, qorongʻi. Shuning hammasi tunmi yoki hushsizlikmikan? — A. Muxtor, Chinor

2. tib. Miyaning qon bilan taʼminlanishi buzilishi natijasida qisqa muddat roʻy beradigan holat; hushdan ketish.

fl. 1. Hushdan ketmoq, oʻzini bilmay qolmoq.

Bir vaqt hushimga keldim: ogʻzim boʻgʻiq, qalin narsaga oʻralganman. Izvoshda ketayotganimni payqadim. Yana hushsizlandim. — Oybek, Tanlangan asarlar

2. Gangib qolmoq, esankiramoq; parishon boʻlmoq.

[Otabek] Besh daqiqalab yoʻl ustida esankiragan, hushsizlangan koʻyi qotib turgach birdan yurib ketdi. — A. Qodiriy, Oʻtgan kunlar

fl. Hushsizlanmoq feʼlining orttirma nisbati.

und. s. 1. 1 Mayda jonivorlarni va qushlarni haydashni bildiradi; kisht, huyt, hayt.

Kampir husht deb, chumchuqlarni haydadi.

Man xoʻjayinlarning boʻyinturugʻiga kallamni tiqay, ishlay, ular obdan moyimni shilsin, keyin mani husht! deb haydasin. — Oybek, Tanlangan asarlar

2. Yoʻq qilish, qoʻlga olish kabilar haqida signalni bildiradi; fisht.

Esing joyidami oʻzi? Husht, desa, qamatib yuboradi-ya, jinni! — S. Siyoyev, Otliq ayol