Қидирув

фл. Вов-вов, ак-ак каби товуш чиқармоқ; вовилламоқ, акилламоқ.

Ит ҳурар — карвон ўтар. — Мақол

Қоронғи, узоқ-яқинда итлар ҳурар эди. — А. Қаҳҳор, Анор

У ер-бу ерда хўрозлар чақиргани, якка-дукка итлар ҳургани эшитиларди. — М. Исмоилий, Фарғона тонг отгунча

Бировнинг измидан холи, эрки ўзида бўлган; озод, эркин

Ҳур ўлка. Ҳур инсон

Ғоят мамнун бўлдик.. чиндан ҳам ҳур фикрли киши экансиз — Ойбек, Танланган асарлар

от айн. Ҳурковуч.

Хатар устидан чиқиб қолган ҳуркак қуён сингари жонсарак бўлиб қараб, ундан кўзларини узолмайди. — Р. Раҳмонов, Чангалзордаги шарпа

Ҳанифанинг ҳуркак кўзларида қувонч лип этиб ёнди-ю, унинг ўрнини яна иккиланиш, ташвиш эгаллади. — С. Анорбоев, Меҳр

от Ҳур, эркин ҳолат; шундай ҳолатга эгалик.

Тинчлигим — ҳурлигим. — Қанотли сўзлар

Қулликни сезмаган ҳурлик қадрига ета олурму?! — Ҳамза

Суқлик билан қараса, ҳеч ажаб эмас, Чунки сен ҳурликнинг ёрқин тимсоли. — Зулфия

На зулмат, на бўрон, на офат, на ўт Тўсолмас ҳақиқат, ҳурлик ёʻлини. — Уйғун

от 1. Кимса ёки нарсага бўлган қадрлаш, улуғлаш туйғуси; шундай туйғули муносабат.

Ота-онага ҳурмат. Кексаларга ҳурмат. Устозларга ҳурмат. Ўз касбига ҳурмат.

Бу оилада ўзаро ҳурмат, ўзаро ёрдам, обрў-эътибор мужассамлашган. — Газетадан

Ҳурмат инсонга меҳнат орқали, камтарлик, ҳалоллик орқали келади. — Ёшлик

Меҳнатга ҳурмат ахлоқнинг энг юксак дастурларидан биридир — Ойбек, Нур қидириб

2. Қозонилган, орттирилган ҳурмат; обрў, эътибор.

Элда ҳурмати зўр.

Мен ўз меҳнатим билан жамоада танилдим, ҳурмат қозондим. — Газетадан

Эшитишимча, Ахсида ҳазрати олийни, ҳурматларига яраша маърака ўтказиб, қабрга қўйишганлар — П. Қодиров, Юлдузли тунлар

Оҳ, она тупроғим, ўсган жойларим, Кўнглимда сақланар ҳурматинг, қадринг. — Миртемир

3. Ҳурмат (эркаклар ва хотин-қизлар исми).

от кам қўлл. Ҳурпайган ҳолатли.

Қизлар ҳурпак сочларин силаб, Чолнинг атрофини аста қуршашди. — Ойбек