Qidiruv

ot 1. Aldash uchun ishlatilgan yoʻl; aldovchi, chalgʻituvchi ish, tadbir, xatti-harakat; nayrang, firib.

Davron bir necha bor dushman iskanjasiga tushgan, biroq dovyuraklik bilan yovga chap berib, hiyla-yu hunar ishlatib, gʻolib chiqqan. — T. Rustamov, Mangu jasorat

Qiz politsiyaning dahshatini yaxshi bilar, ularga koʻp uchragan va koʻp dafʼa turli hiylalar bilan qochgan. — Oybek, Nur qidirib

Shu maqsadda erka bir kun yotib oldi. Hiyla bilan kasallikka oʻzin soldi. — A. Muxtor.

2. Hiylayi sharʼiy.

ot ayn. Hiylakor.

Oʻqituvchi davom etdi: — Shunday qilib, omi xalq hiylagar odamlarning boʻlmagʻur gaplariga ishonib qoldi. — P. Tursun, Oʻqituvchi

Sen bilmaysan, jonim, ular hiylagar, Oʻlmay qolsa, hamisha payingda yurar. — Shirin bilan Shakar

Elda bunday yolgʻonchilar boʻlmasin, Hiylagar kishilar omon qolmasin. — Bahrom va Gulandom

ot ayn. Hiylakorlik.

Eshonman, deb meni nodon bilmagin, Hiylagarlik qilib, bekor oʻlmagin. — Yodgor

sft. Hiyla ishlatilgan, aldash uchun qilingan, hiyla ishlatadigan.

ot s. t. Hiylagar.

sft. Hiyla ishlatishga usta, hiyla bilan koʻp shugʻullanuvchi (shaxs).

Yolgʻonchi, hiylakor boy — Dogʻuli xasis Xolvoy, — Uygʻun

Bilʼaks siz: hiylakor bir tulki, ogʻzi qon bir boʻri, rahmsiz bir jallod A. — Qodiriy, Oʻtgan kunlar

Hiylakordir — bilagingdan tutmasin, Jodugardir — seni jodu qilmasin. — Oysuluv