Қидирув

от Тоғли ерларда ўсадиган ёввойи олча ва унинг меваси.

Тошкентларга посилкалар солайин, Ёр емакка чия, олма олайин. — Қўшиқлар

Ғир-ғир шамол эсади, қорақанд, чияларнинг ёқимли иси анқийди. — С. Муродбеков, Ёвшаниси

от 1. Абхазия мамлакатига мансуб туб халқнинг (миллатнинг) номи.

2. Шу халққа мансуб, тегишли.

Ноҳия йигити. Ноҳия тили.

от 1. Кийим, мато ва шу кабиларнинг айланаси, чети.

Белида ҳошиясига ғазал битилган қийиқ, оёғида қўнжи тор ағдарма этик — К. Яшин, Ҳамза

Мен кетдим, деб ҳошияли титилган қалин портфелни қўлтиқлаганча. хонадан чиқди. — С. Кароматов, Олтин қум

Қамчи янги қизил тўн кийган. Ҳошиясига аллақандай живир-живир гул нақшланган бу тўн унинг паст бўйига, қотма гавдасига жуда ярашиб тушибди. — Ҳ. Ғулом, Машъал

2. Кийим, мато кабиларнинг четига, айланасига тортилган, солинган нарса (лента, нақш ва шу кабилар).

Уларнинг кўзлари Пўлатжоннинг кўкрагидаги орден, медаллар, елкасидаги погон, енгидаги ялтираган сариқ ва ҳаворанг ҳошияларда эди. — Ҳ. Назир, Сўнмас чақмоқлар

Оқ тунука парчаси текис қилиб қирқилган атрофларига усталик билан болғанинг учида нозик жимжима ҳошия солинган эди. — И. Раҳим, Ихлос

Чеккасига кўра ҳошия тутилган байроқ олдинда хомушлик билан силкиниб, ҳилпираб борарди. — С. Зуннунова, Гулхан

3. Китоб ёки дафтар варағи атрофидаги хат ёзилмай очиқ қолдирилган қисм.

кўксини ўртаётган ўкинч, алам, ҳақорат патқаламни бир дам тўхтамайди, варақнинг икки бети ҳошиялари ажи-бужи майда ҳарфлар билан тўлаверади. — С. Сиёев, Ёруғлик

4. тар. Араб тили грамматикасидан Мадраса талабалари учун тузилган қўлланма (лексик ва грамматик хусусиятларга доир изоҳлар мажмуи).

Соҳиб ўғли мадрасада Ҳошиягача ўқиган, янги усулда таълим-тарбия курсини тугатган. — Газетадан

Уларнинг [толиби илмларнинг] қай бири “Қофия”да, қай бири Ҳошияда, қай бири Шамсияда. — Ойбек, Навоий

5. Ҳошия (хотин-қизлар исми).

от 1. кт. Бирор шахс, нарса, воқеани мақтаб ёзилган, ўқилган шеър ёки нутқ; мадҳ, мақтов.

[Комил Нурматга:] Ғалабага марсия эмас, мадҳия муносиб. — Уйғун, Ҳаёт қўшиғи

Кунларни китоб сотиш, бўш вақтларни ўзи таниган ва танимаган масъул ходимларга шеърий мадҳиялар ёзиш ва бу мадҳияларни учраган одамга ўқиб бериш билан ўтказа бўлмади. — А. Қаҳҳор, Қўшчинор чироқлари

Шон-шуҳрат орзусида ёнган телба ҳоким эса бу мадҳиялардан бадтар шишарди. — О. Ёқубов, Кўҳна дунё

2. Тантанали қўшиқ; давлат ёки сиёсий синф бирлигининг аломати бўлган тантанали шеърий-мусиқий асар.

3. Мадҳия (хотин-қизлар исми).

от 1. Бирор нарсанинг замиридаги туб, энг муҳим маъно, ички мазмун, мағиз.

Моҳият — нафақат Бухоро ўлкасини, балки Туркистон, Хоразм, Фарғона музофотлари, алқисса, икки арё оралиғини ёвдан озод этишдан иборат! — Ш. Холмирзаев, Қил кўприк

Рихсивой, чамамда, чўлқуварларнинг улкан ишининг моҳиятига тушунмаяпти. — Р. Файзий, Чўлга баҳор келди

2. флс. Нарсаларнинг ички мазмуни бўлиб, уларнинг турли-туман хоссаларини ва муносабатларини яхлит акс эттиради. қиёс. ҳодиса.

от Руҳий кечинмалар мажмуи, руҳий ҳолат.

Алла нафақат ухлатилаётган гўдак қалбига, балки кишилар руҳиятига ҳам ижобий таъсир кўрсатади. — Саодат

Боғларга, маданият уйларига, майдонларга, кўчаларга берилаётган номларнинг халқ руҳиятига ўтказадиган таъсирини фақат зукко одамларгина англайдилар. — Муштум

Кишиларимиз онгида, руҳиятида, қалбида ва қиё-фасида кузатилаётган ҳурлик ўзгаришларини бўй-басти билан кўрсатиш ижод аҳли олдида ўта долзарб вазифа бўлиб турибди. — Газетадан