от 1. Ўз ишлари, топшириқнинг бажарилиши ва шу кабилар ҳақида тегишли масъул шахс, ташкилот кабиларга бериладиган (берилган) оғзаки ёки ёзма тарздаги расмий ахборот.
Йиллик ишлар ҳисоботи. Командировка ҳисоботи. Депутатнинг сайловчилар олдидаги ҳисоботи.
Йиғим-терим даврида айрим бригадаларнинг ҳисоботи эшитиб турилди. — Газетадан
Мана бу ҳисоботларни институт илмий секретарига топшириб, кейин Фанга ўтасиз — С. Нуров, Нарвон
2. Шундай ахборотни эшитиш учун бўладиган йиғин.
Йиллик ҳисоботга уч кун қолганда Ғалаба колхозининг раиси Маҳмуд Бекмирзаевни райкомга чақиришди. — Ў. Усмонов, Сирли соҳил
Ҳисоботдан сўнг Султонов раёндан келган икки вакилни капасига таклиф этди. — Ўзбекистон қўриқлари
- Ҳисобот даври Ҳисоботда қайд этиладиган ахборот, маълумотларни ўз ичига оладиган давр. Ҳисобот даврида асосий эътибор пахтачиликни ривожлантиришга, унинг самарадорлигини оширишга қаратилди. — Газетадан