Қидирув

фл. 1. Санаб, миқдорини аниқламоқ, санамоқ.

Пулни ҳисобламоқ. Минутларни ҳисобламоқ. Бармоқ билан ҳисобламоқ. Экилган кўчатларни ҳисоблаб, яна 20 туп экиш кераклигини айтди.

2. Номаълум бир миқдорни ҳисоб ёʻли билан аниқламоқ, ҳисоблаб топмоқ.

Ҳозир бир сентнер пахта неча меҳнат кунига тушади? Ўрмонжон буни ҳеч қачон ҳисоблаб кўрмаган бўлса керак, жавоб бера олмай илжайди. — А. Қаҳҳор, Қўшчинор чироқлари

ўз имкониятларини ҳисоблаб чиқиб, яна давлатга қўшимча кумуш тола етказиб беришга аҳд қилишди. — Газетадан

ҳисоблаб қарашса, йигитчанинг гарданига пирасант [процент] билан роса саккиз юз сўм пул тушибди — Ойбек, Танланган асарлар

3. Ҳисобга олмоқ, ҳисобланувчи нарсалар қаторига қўшмоқ.

Табиатимни ланж қилган баъзи нуқсонларни ҳисобламасам, мен сафаримдан хурсандман — Муштум

Овқат, кийимни эмас, сувни ҳам ҳисоблайди у қизиталоқ [бой]. — Ойбек,Танланган асарлар

Ёғга ҳисоблаб, 35 минг 500 сўмга сут сотиб олиб топширганмиз дегин — Муштум

4. Бирор тарзда баҳоламоқ, маълум бир хулоса чиқармоқ; -деб билмоқ, ўйламоқ.

Ҳаёти мобайнида икки туп ниҳол экиб ўстирган инсон ўз умрини мазмунли ўтди, деб ҳисоблашга ҳақлидир. — Газетадан

.шу мактубни олган кунингиздан бошлаб ўзингизни мендан бегона ва никоҳимдан ташқари ҳисобласангиз бўладир — А. Қодирий, Ўтган кунлар

Операция пайтида хирург энг яқин одамини ҳам бегона ҳисоблайди. — Ў. Ҳошимов, Нур борки, соя бор.

Аёлни камситган кимсани одам ҳисобламанг. — Газетадан

5. махс. Номаълум сонни ҳисоблаб чиқармоқ, шу мақсадда ҳисоблаш иши олиб бормоқ.

Бу формулалар шамолнинг тезлигини ҳисоблаш имконини беради.

фл. 1. Ҳисобламоқ феълининг биргалик нисбати.

Анови кун Маражаббек билан ҳисоблашиб кўрсак, Қўқоннинг ўзидан икки йилнинг ичида етмиш саккиз бек ўлдирилибдир. — А. Қодирий, Ўтган кунлар

Баъзилар Саидийнинг бу шошқалоқлигига, ўзини тутолмаслигига катта аҳамият бериб, унинг гапда иштирок этишини ҳам хавфли ҳисоблашар эди. — А. Қаҳҳор, Сароб

2. Ўзаро ҳисоб-китоб қилмоқ, ора очиқ қилмоқ.

3. (“билан” кўмакчиси ёрдамида) Иш-фаолият, муомала ва шу кабиларда ҳисобга олиб иш тутмоқ; ҳисобга олмоқ.

Шароит билан ҳисоблашмоқ. Қонун билан ҳисоблашмоқ.

Козимбек ўқитувчилар у ёқда турсин, ҳатто илмий мудир билан ҳам ҳисоблашмади. — А. Иброхимов, Сўнгги нур

Ўша йиллари Уйғур актёр сифатида танилган эди. Шунинг учун ҳам ёш театр ишқибозлари унинг фикри, маслаҳати билан ҳисоблашардилар. — Ф. Жўраев, Обид Жалилов

фл. Ҳисоблашмоқ феълининг мажҳул нисбати.

вазият билан ҳисоблашилиши керак.

фл. Ҳисоблашмоқ феълининг биргалик нисбати.

Ягона ҳисоблаш тизими сифатида ишлайдиган икки ёки ундан кўп компютерлар мажмуиинглизчаcomputer complexрусчавычислительный комплекс