«ҳирингламоқ» бўйича 4 та натижа: Изоҳли
фл. Ҳиринг-ҳиринг овоз чиқармоқ, шундай товуш чиқариб кулмоқ.
У бир четда ҳиринглаб турган букри йигитга юзланди. — С. Сиёев, Ёруғлик
Аҳмад ҳам жилмайди. У бемаъни қаҳқаҳани, мунофиқона ҳиринглашларни ёмон кўрарди. — Ф. Мусажонов, Ҳиммат
Жамол кумуш тишларини кўрсатиб, ҳиринглаб кулди. — Э. Усмонов, Ёлқин.
Қўзибой қошини чимириб, ниманидир ўзича чамалаб турди-да, сўнг бирдан ҳиринглаб кулиб юборди. — Ҳ. Назир, Сўнмас чақмоқлар
тақл. с. Паст овозли кулги товушини билдиради.
— Гап-сўзда ҳам бир маъни бўлиши керак, — деди Гулшан, бўшдан-бўшга ҳиринг-ҳиринг; бундан кўра тинч ухлаган яхши. — А. Қодирий, Меҳробдан чаён
Низомиддинов орқасидан эргашиб келаётган Турсунбой отага нималардир деб тушунтирар, ҳадеб ҳиринг-ҳиринг кулар эди. — С. Аҳмад, Ҳукм
Бу мастона довдирашлар, бу беҳаё ҳиринг-ҳиринглар жонингга тегмадими? — С. Сиёев, Ёруғлик
фл. Ҳирингламоқ феълининг биргалик нисбати.
ҳиринглаш Ҳирингламоқ феълининг биргалик нисбати.
