Қидирув

от Ҳайвонга хос одат, қилиқ, хатти-ҳаракат.

Бари бир ҳайвон ҳайвонлигини қилди, яъни маъради. — Гулдаста

от 1. зоол. Ҳаракат қилиш ва сезиш қобилиятига эга бўлган ҳар бир тирик мавжудот; жонивор.

Умуртқали ҳайвон. Сутемизувчи ҳайвонлар. Судралувчи ҳайвонлар. Ваҳший ҳайвонлар. Уй ҳайвонлари.

2. Инсондан бошқа ҳар қандай жонивор.

Ўргатилган ҳайвонлар. Ҳайвонот боғида ҳайвонларнинг турлари ҳам, сони ҳам кўп.

Олимовнинг ҳикояси болаларнинг зеҳнида шундай таассурот қолдирди: иссиқ билан совуқ, қор билан ёмғир, сув билан ҳаво, ўсимлик ва ҳайвонлар — буларнинг ҳаммаси табиатдаги қазиш, ўйиш, емириш кучлари ҳисобланар экан — Ҳ. Назир, Сўнмас чақмоқлар

3. кўчма Одати, қилиғи, хатти-ҳаракати ва шу кабилар жиҳатдан ҳайвонга ўхшашликни, ҳайвонга нисбатли ҳақоратни билдиради.

Одамнинг ҳайвони киши ҳақидан қўрқмайди, киши молига кўз олайтиради. — Ойбек, Танланган асарлар

— Шунча йилдан буён мен унинг бунақа қилиқлари борлигини билмас эканман. Ҳайвоннинг ўзгинаси экан-ку! — Мирмуҳсин, Меъмор

— Вой ҳайвонлар-ей! Тфу! — деди-ю, шартта бурилиб чиқиб кетди. — С. Сиёев, Отлиқ аёл

Илгари оз-моз ичиб, сўнг бўлди ҳайвон оқибат. — Ҳ. Нурий

сфт. Ҳайвонларга хос; шаҳвоний.

Чиндан ҳам бу жасурона исён хотин-қизлар томонидан Худоёрнинг ҳайвоний истагига қарши биринчи кўтарилиш эди. — А. Қодирий, Ўтган кунлар

Кейин маймун ҳайвоний ғазаб ичида атрофга аланглаётиб, деразадан эгасининг даҳшат босган чеҳрасига кўзи тушиб қолди. — Фан ва турмуш

от Тирик мавжудотлар, ҳайвонлар олами; ҳайвонлар.

Поччам билан аммам бу гул, бу ҳайвонотларнинг ҳар биттасини нури дийдаларидай парвариш қиладилар. — Ғ. Ғулом, Шум бола

Университетнинг учинчи курсида ўқир, мақсади ҳайвонот дунёсини ўрганиш, шу соҳада илмий иш олиб бориш экан. — Ж. Абдуллахонов, Орият

Ҳайвонот мойларидан тайёрланган ёғ маҳсулотлари ҳам яхши доғлашни талаб қилади. — Газетадан

сфт. Ҳайвон шаклидаги.

фл. Инсоний фазилатларни ёʻқотмоқ, ваҳшийлашмоқ.

Муродхўжа домла: — Қишлоқ халқи ҳайвонлашиб кетаётир, кўргани тоқатим ёʻқ, — деб юрган одам. — А. Қаҳҳор, Сароб