«ҳавасли» бўйича 20 та натижа
сфт. Ҳаваси бор, ҳавас қўйган; ҳавасманд.
Мен бу суҳбатдан Пиракнинг ақли расо ва ҳар нарсани ўрганишга ҳавасли бўлганини пайқадим. — С. Айний, Эсдаликлар
Саидий ашула айтишга ҳавасли: ўзи ёлғиз қолган вақтларида айтади. — А. Қаҳҳор, Сароб
от 1. Қизиқиш, завқ ҳисси; шундай ҳис-туйғули муносабат.
Энди у бояги дилсиёҳликни унутган, осмони фалакда чарх ураётган турналарга ажиб бир ҳавас билан боқарди — С. Аҳмад, Юлдуз
Гулчеҳра ёш жувонларга хос бўлакча ҳавас билан безатилган меҳмонхонага кирди-да, диван четига омонатгина ўтирди. — О. Ёқубов, Ларза
Ҳавасга анор ейди, дейсиз шекилли — А. Қаҳҳор, Анор
2. Бирор иш-фаолият, касб-корга бўлган рағбат, интилиш, истак, майл.
Боланинг китоб ўқишга ҳаваси — билимга иштиёқининг ифодаси. — Р. Усмонов, Одобнома
Кўнглида дўппи гулларини тикишдан ўзга ҳавас ёʻқдай, дарров ишга тушиб кетди. — М. Исмоилий, Фарғона тонг отгунча.
Шифокорлик касбига Насиба жуда эрта ҳавас қўйди. — Газетадан
Ҳусайн Бойқаронинг ёшликдан шеърга ҳаваси кучли эди. — Ойбек, Навоий
сфт. Орзу-ҳавас қиладиган; дабдабали тўй-маросимларни яхши кўрадиган ва уларни ўтказишга қурби етадиган.
Орзу-ҳавасли жойни қидирмасдан, қизларини бир кишига бериб қўя қолсалар, албатта, бу савдолар ёʻқ эди. — А. Қодирий, Ўтган кунлар
сфт. 1. Бирор нарсага қизиқадиган, уни яхши кўрадиган (шахс); ҳавасманд, ҳавасли, ишқибоз.
Ҳаваскор овчи. Мусиқага ҳаваскор.
Набигулнинг айтишича, булар маҳалладаги ҳаваскор созандалар эди. — А. Қаҳҳор, Қаноциз читтак
Бу ерда ўнлаб ҳаваскорлар сувга тиззагача тушиб олиб, балиқ овлашяпти. — Газетадан
Ёзувчиликка ҳаваскор бўлган ёш талантларнинг асарларини илгаригидек хом-хатала босиб чиқаришга барҳам берилган дейиш мумкин. — Н. Сафаров, Оловли излар
2. Касб, ҳунар, санъат ва шу кабилар бўйича машғулотлар олиб борадиган махсус тўгарак қатнашчиси (асосан ёшлар ҳақида).
Тикувчилар артелининг ҳаваскор созандалари тўгараги бутун состави билан келган. — А. Қаҳҳор, Тўй
Биринчи машғулотда ҳаваскор шоирларнинг шеърлари янгради. — Газетадан
Бугун ҳаваскорларимиз телевизорда чиқади. Уларни кўрмабсан, дунёга келмабсан — Ш. Саъдулла, Икки билагузук
от айн. Ҳавасли.
Шу пайтда Бешариқдан Қўқонга, олти ойлик курсга ҳавасманд қизларни юбораётган эдик. — С. Абдуқаҳҳор, Олтин водийларни кезганда
У палов қилишга жуда ҳавасманд эди. — Ў. Икромов, Унутилмас хотиралар
Ёшлар ичида санъат соҳасига ҳавасмандлар ҳам ёʻқ эмас. — Ж. Абдуллахонов, Ёʻл
от 1. Ҳаваскорларга оид, ҳаваскорлар билан иш, машғулот олиб бориш.
Очиқ саҳнада бадиий ҳаваскорлик жамоаларининг чиқишлари бўлди. — Газетадан
Жўрахон раҳбарлигида ҳаваскорлик тўгараклари, спорт ишлари жонланди. — Назармат, Жўрлар баланд сайрайди
2. Ҳаваскорга хос ҳолат, даража.
Ўрол Тансиқбоев ҳаваскорликдан кўзга кўринган рассом-пейзажчи бўлиб етишгунга қадар катта меҳнат ва ижодий изланиш ёʻлини босиб ўтди. — Газетадан
3. Ҳаваскор эканлик.
Сенинг санъатга ҳаваскорлигингни биламан.
қ. ҳавасли.
ҳавасманд айн. Ҳавасли. Шу пайтда Бешариқдан Қўқонга, олти ойлик курсга ҳавасманд қизларни юбораётган эдик. С. Абдуқаҳҳор, Олтин водийларни кезганда У палов қилишга
суқли Суқ-ҳавас билан тўлиб-тошган; ҳавасли, эҳтиросли. Суқли назар. Нигора сувдан чиққанда, баданидаги томчилар гўё бегона суқли кўзларни қайтаришга қасд қилганд
ҳаваскор Бирор нарсага қизиқадиган, уни яхши кўрадиган (шахс); ҳавасманд, ҳавасли, ишқибоз. Ҳаваскор овчи. Мусиқага ҳаваскор. Набигулнинг айтишича, булар маҳаллад
