Поиск

sft. ayn. Hashamdor.

ot 1. Bezash uchun ishlatiladigan narsa, buyum; bezak.

Aravalar gumbur, otlar semiz, kerakli anjomlardan tashqari, turli hashamlar bilan bezatilgan. H. Nuʼmon va A. — Shorahmedov, Ota

Yuzlab ulkan binolarning ichki hashami, bezagi u ishlab chiqaradigan buyumlarga mushtoq. — Mushtum

Uy-joy qurmagan, latta-putta yigʻmagan, mashina, hashamlarga ham xushi boʻlmagan. — S. Nurov, Narvon

2. Uy, imorat va shu kabilarning bezak ishlari va boshqalar ishlov, qurilmalardan iborat koʻrkli, salobatli, dabdabali koʻrinishi, holati.

Roʻzmatov bizni ichkariga taklif qildi. Kirdik. Ana klub-u mana klub. Kengligini koʻring-u, hashamini tomosha qiling. — Mushtum

Rais., oʻzining ikkinchi uchastkasiga hasham berish bilan band edi. — Mushtum

Qarshi shahrining hashami, salobati, bogʻlarining soʻlimligi yuqoridan [samolyotdan] yana ham latofatli. — Oʻzbekiston qoʻriqlari

3. Toʻy va boshqalar yigʻinlarga xos koʻtarinki holat; dabdaba, tantana va bularni yuzaga keltiruvchi narsalar.

Olimboy aka endi toʻy-u hashamlarda ilgarigidek katta gapirmas edi. — S. Ahmad, Saylanma

[Jamol xola] Ortiqcha hashamga, isrofgarchilikka yoʻl qoʻymasdi. Ana shunisi bilan yoqardi mahalladagilarga. — R. Fayziy, Hazrati inson

Rost, toʻyning hashami ham oz emasdi, unga uzoq, yil hozirlik koʻrilardi. — R. Rahmon, Mehr koʻzda

ot Dabdaba, savlat; koʻtarinki, tantanali holat.

Yakshanba kuni shaharning hashamati, koʻrki yana ham ulugʻvor tus oldi. — Gazetadan

Tantana, hashamatni sevgan Husayn Boyqaro uyni toʻldirgan va ulugʻvor taʼzim bilan oʻtirgan olomonga faxrlanib qaradi. — Oybek, Navoiy

sft. Hashamatli, serhasham.

Hashamdor peshtoqni koʻtarib boshga, Azamat ustunlar savlat toʻkadi. — Z. Obidov.

Madrasom hashamdor koʻkoʻpar binolar oʻsha xalqlar va oʻz yurtidagi afkor ommaning qoni evaziga tiklandi. — S. Karomatov, Oltin qum

hásemsiz, sánsiz, bezewsiz, dábdebesiz

sft. Hashamatga eta; savlatli, dabdabali (asosan bino haqida).

Hashamatli uylar. Hashamatli Sanʼat saroyi.

Katta, keng gulzorlar orasidan oʻtib, serpanjara, hashamatli bino oldida toʻxtadilar. — Oybek, Nur qidirib

Olti oy oldin Avaz bu hashamatli bogʻni tark etgan edi. — S. Siyoyev, Avaz