Qidiruv

sft. 1. Harorati, issigʻi, tafti yoʻq; sovuq.

Endi quyosh yorqin! Lekin mening uchun Yulduz kabi haroratsiz, xayr! — A. Muxtor

2. koʻchma Sovuq; zavq-shavq, rohat-lazzat bagʻishlamaydigan, sovuq.

Ana qarang, kuz quyoshining boqishi ham tul xotinning jilmayishiday haroratsiz. Osmon oʻzining yozgi tiniqligini yoʻqotgan — oqish xira. — S. Anorboyev, Oqsoy

ot 1. Qizigan narsaga xos issiqlik, kuchli darajadagi issiqlik.

Olovning harorati. Quyoshning harorati.

Dasht, dasht! Harorat zarbidan hamma yoq lip-lip etadi. — A. Qahhor, Maston

Hora kigizlarni yondiray deb, har bir teshikdan oʻtov ichiga kirgan harorat uyni xumdonga aylantirgan edi. — J. Sharipov, Xorazm

Ichdan chiqayotgan harorat ogʻzini kuydirayotgandek, puf-puflab nafas olib oʻtirgan mingboshi keluvchiga bosh irgʻadi. — M. Ismoiliy, Fargʻona tong otguncha.

2. Narsalarning issiq-sovuqlik holati; temperatura.

Havoning harorati. Haroratning oʻzgarib turishi. Moʻtadil harorat. Yuqori harorat. Sovuq harorat. Harorat pasayib, qor yogʻa boshladi.

Joʻra polvon yerning yetilishi, tafti, nami, harorati sugʻorish usullarini yaxshi biladi. — I. Rahim, Ixlos

Harorat yetarli boʻlsa, toʻqqiz-oʻn kunda sholi unib chiqadi. — Oʻzbekiston qoʻriqlari

3. Tananing kishi salomatligi holatini koʻrsatuvchi issiqlik darajasi; temperatura.

Bemorning haroratini oʻlchamoq.

Meʼmorning harorati pastga tushmas, buning ustiga tinmay alahlardi. — Mirmuhsin, Meʼmor

4. koʻchma Ruhiy koʻtarinkilik, joʻshqinlik.

Gʻulomjon endi oʻzini ancha tutib olib, oʻt bilan, harorat bilan gapirdi. — M. Ismoiliy, Fargʻona tong otguncha.

Yusufjon qiziq toʻqson yoshga kirgan boʻlishiga qaramay, hali unda yoshlik harorati soʻngan emasdi. — T. Obidov, Yusufjon qiziq

Harorat bilan aytilgan bu soʻzlar zamirida ulkan bir haqiqat yotibdi. — Gazetadan

5. koʻchma Hissiy taft, zavq, lazzat.

Elmurod Zeboni kuzatib qoʻyib, issiq bir boʻsa harorati bilan qaytib kelgach, uzoq uxlolmadi. — Shuhrat, Shinelli yillar

Oʻsha tuni eng birinchi bor Sezgan edi lab haroratin. — Sayyor

sft. 1. Harorati bor, issiq.

Quyosh oʻzining haroratli nurlarini ayamay sochardi. — Gazetadan

Gulnor haroratli qoʻllari bilan uning yuzini siladi. — Oybek, Tanlangan asarlar

2. koʻchma Hissiy, ruhiy taftli, koʻtarinki ruxdagi; joʻshqin.

Oysanamning chehrasi yorishib koʻzlaridan u yoshdagi qizlargagina xos haroratli joziba uchqunlandi. — M. Xayrullayev, Qoʻshnilar

Hayotxon Gʻulomjonning haroratli soʻzlarini, ishq taronasini eshitayotgandek, berilib eshitdi. — M. Ismoiliy, Fargʻona tong otguncha.

Температура характеризует состояние теплового равновесия макроскопической системы: во всех частях системы, находящейся в состоянии теплового равновесия, температура имеет одно и то же значение (от лат temperatura — надлежащее смешение, нормальное состояние).

в отличие от жидкостей и твёрдых тел все разрежённые газы при нагревании одинаковым образом меняют объём при постоянном давлении или давление при постоянном объёме. По этой причине для установления температурной шкалы используют разрежённые газы (газовая шкала температур)., Га́зовая шкала́ температур