Qidiruv

ot 1. Boʻlib oʻtgan voqea-hodisalarni oʻz koʻzi bilan koʻrgan yoki ularning haqiqatan ham boʻlganligini tasdiqlash uchun shu ish boʻlgan joyga maxsus chaqirilgan kishi; shohid.

Sidiqjon oʻn bir guvohni yoniga olib, rayonga joʻnadi. — A. Qahhor, Qoʻshchinor chiroqlari

Men inqilobgacha va inqilobdan soʻng dehqonlarimiz kechirgan hayotlarining jonli guvohiman. — N. Safarov, Olovli izlar

2. huq. Sud yoki tergovdagi ish yuzasidan oʻz bilganlarini aytib berish uchun sudga chaqirilgan kishi.

Sudga guvohlarni chaqirmoq.

Tergovchi ham

qariyaning guvoh tariqasida ishga aralashtirgani, uning aldanganiga shubha qilmasdi. — S. Yunusov, Kutilmagan xazina

3. Voqea-hodisa, fikr, holat va shu kabilarning toʻgʻriligini tasdiqlovchi narsa; dalil.

Kishini mehnat ulugʻlaydi. Siz-biz koʻrgan hurmat-ehtirom — buning guvohi. — Gazetadan

ot 1. Shohidlik, koʻrgan yoki bilganlik; guvoh boʻlishlik.

Biroq faktlar, hujjatlar, juda koʻp odamlarning guvohliklari uning qaysarligini asta-sekin qayirib, nihoyat, bukib qoʻydi — Gʻulom, Mashʼal

2. huq . Guvoh tomonidan berilgan maʼlumot, guvohning aytganlari.

Guvohlik bermoq.

Ziyodaxon bilan Anzirat xoladan, qolaversa, Sharofat mojarosidan xabardor boʻlgan boshqa odamlardan sudda guvohlik berishlarini soʻradi. — A. Qahhor, Qoʻshchinor chiroqlari

ot 1. Qayd etish shart boʻlgan yuridik voqea-hodisalarni tasdiqlaydigan, imzo qoʻyilgan va muhr bosilgan rasmiy hujjat.

Tugʻilganlik haqida guvohnoma. Talabalik guvohnomasi.

2. esk. ayn. Attestat 1.

Kecha oʻninchini aʼlo tugatding, Qoʻlingda yetuklik guvohnomasi. — Gʻ, Gʻulom

fl. Guvohlamoq feʼlining majhul nisbati.

ruschaосвидетельствованиеinglizchaexamination

fl. Guvohlar, zaruriy hujjatlar orqali tasdiqlamoq, rasmiylashtirmoq.