ot 1. Gultojni tashkil etuvchi hamda urugʻchi bilan changchini qurshab turuvchi gul yaproqchalari, bargchalar majmui.
Gulbarglar orasiga yashiringan tirnoqday qoʻngʻiz uchib ketdi. — Oʻ. Hoshimov, Qalbingga quloq sol
Gulbarglarga termilib, yana uchdi oʻylarim, Yaproq misol titratib qoʻydingiz-ku yuragim. — E. Oxunova, Men tongni uygʻotdim
2. koʻchma. Gul bargchalaridek chiroyli, goʻzal; nozik; qizil.
Hamlet yuragiga berardi hayot Sening u otashin gulbarg lablaring. — H. Olimjon, Ofeliyaning oʻlimi
Mayli endi, hech boʻlmasa qumgʻon qaynatsam, Qish kunlari lovillatsam gulbarg yonogʻing. — Mirtemir