Қидирув

от 1. Турли нарса ва ҳодисаларнинг миқдорий боғланишларини чизиқлар, чизмалар воситасида тасвирлаш ва шундай тасвир (чизма)нинг ўзи.

Атмосфера босими ўзгаришини кўрсатувчи график.

2. Бирор бир ишнинг ҳажми, бажарилиш муддатлари аниқ белгилаб тузилган режа.

Кунлик экиш графиги 45-50 процентгина бажарилмоқда. — Газетадан

Хўжалигимизда етиштирилган ҳосилни тез ва сифатли териб олиш учун тиғиз график тузилди. — Газетадан

Ҳайдовчи қиз графикка тушиб олиш учун шошмоқда эди. — П. Қодиров, Эрк

от 1. Бўёқ ишлатмасдан, чизиқ ва штрихлар воситаси билангина нарсаларни тасвирлаш санъати; шу усулда ишланган расм, тасвир.

ҳайкалтарошлик, графика ва амалий санъат асарлари томошабинларда катта қизиқиш уйғотди. — Газетадан

2. тлш. Нутқ товушларини ёзувда ифодаловчи белгилар (ҳарфлар) тизими; ёзув ва алифбо ҳарфларини, товуш ва ҳарф муносабатларини ўрганувчи тилшунослик соҳаси.

Араб графикаси асосидаги эски ўзбек ёзувига киритилган бу ислоҳ ўша вақтда ўзбек маданиятидаги зўр тарихий силжиш эди. — ЎТА