Поиск

ot 1. Chiroy, husn.

U [Gulnor] bukun shod, bahor uning goʻzalligiga goʻzallik qoʻshgan. — Oybek, Tanlangan asarlar

2. fls. Tabiat va jamiyatdagi narsa va hodisalarning, inson faoliyatining kishida mehr-muhabbat, quvonch, zavq tuygʻulari uygʻotuvchi xususiyatlarini ifodalovchi estetik tushuncha.

sft. 1. Juda ham chiroyli, husndor, xushroʻy.

Goʻzal qiz.

Gulsum uning [Elmurodning] xayolida bu yerdagi goʻzallarning goʻzali boʻlib tura berdi. — P. Tursun, Oʻqituvchi

Oʻttiz besh yoshlarda koʻringan bu goʻzal xotin haram xodimalaridan Gulshanbonu edi. — A. Qodiriy, Mehrobdan chayon

2. Kishi koʻzini quvontiradigan, kishini maftun etadigan, zavqlantiradigan.

Goʻzal tabiat bagʻrida dam olmoq. Goʻzal xulqli inson.

3. Zavq-shavqqa boy, serzavq, unutilmas (davr, vaqt haqida).

U qorli, sovuq kun Yoʻlchi uchun umrining eng mazmunli, eng rangli, eng goʻzal kuni edi. Oybek, — Tanlangan asarlar

4. Goʻzal (xotin-qizlar ismi).

Красота не в лице, а в уме.

Красота отыскивается в труде.

Красота не в лице, а в труде.

fl. 1. Chiroyi ochilib, tobora goʻzal boʻlmoq.

Nodira kundan-kunga goʻzallashib bormoqda.

2. Koʻchma Tobora koʻrkamlashmoq, obod boʻlmoq.

Toshkent kundan-kun goʻzallashmoqda.