Қидирув

от 1. Бирор кимсага нисбатан дилда сақланган хафалик, норозилик; кек.

Яхшида гина бўлмас. — Мақол

Гина — адоватнинг қўшниси. — Мақол

[Ҳусайн] Алишер, эски гиналарни унутинг. Гулига бўлган муҳаббатингиз туфайли, қадимий дўстлик ипларини узманг. Уйғун ва И. — Султон, Алишер Навоий

[ Муҳаббат] Менга бўлган дилидаги гинасини сездирмасликка интилса-да, кўз қарашларида истеҳзо учқунларини сезиб турардим. — . Назир, Муҳаббат

2. Шикоят, арз-ҳол.

Аҳолига маиший хизмат кўрсатиш бошқармаси раҳбарларига айтадиган гиналаримиз бор. — Газетадан

сфт. 1. Дилида гинаси бор, гина сақловчи, гинадор.

Гинали одам.

2. Гина билан тўлиб-тошган, гина аралаш; гинаомуз.

Гинали гап.

— Шу вақтгача айтмадингиз-а? — гинали эркаланди Саодатхон. — Н. Сафаров, Саодатнинг қиссаси

от Бўлар-бўлмасга гина қилаверадиган; гина, кек сақлайдиган.

Гиначи одам.

сфт. айн. Гинали.

— Комиланинг келишини билсам, уйдан бир минут силжирмидим? — деди Зайнаб гинадор товуш билан онасига. — Ойбек, Олтин водийдан шабадалар

сфт. Хатти-ҳаракати, ҳолати бангига ўхшаган; бангитабиат.

[Қоровул] Узун мўйловли, кўзлари ола-була бангинамо киши эди. — Ойбек, Болалик

Сочим ўсиб бангинамо, Ҳув деб борарман борҳо — Тоҳир ва Зуҳра

фл. кам қўлл. айн. Гина қилмоқ

Уста Олим ўз уйига дўкон қурган экан, гиналаб юрмасин, деб фотиҳага келган эдим. — А. Қодирий, Ўтган кунлар