Qidiruv

ot 1. Birin-ketin sodir boʻladigan voqea-hodisalar, bajariladigan ishlar tartibi, navbati.

Bugun mening galim.

Ming balo bilan Qutidor qoʻlini boʻshatib, gal Otabekka yetdi. — A. Qodiriy, Oʻtgan kunlar

2. Qatorda egallangan, ishgʻol etilgan oʻrin, navbat.

3. (“bu“, “shu“, “har“, bir kabi soʻzlar bilan) Safar, navbat.

Bir gal Doʻstmat har safargiday ish qidirib ketdi-yu, lekin qaytib kelmadi. — P. Tursun, Oʻqituvchi

Gulnor bu yerga kelsa, Nuri har gal biron ogʻir yumush qildirar edi. — Oybek, Tanlangan asarlar

ot 1. Bir turdagi qush, hayvon-jonivorlar toʻdasi.

[Botirali] Sharpaga ortiq parvo qilmay, qushlar galasini zavq bilan tomosha qila boshladi. — H. Gʻulom, Mashʼal

Qushlar galasi bezovtalanib, dars tomonga tez uchib oʻtdi. — Nazarmat, Joʻrlar baland sayraydi

2. Bir toʻda odam, olomon.

Qizlar galasini koʻrgan Bozorov ot boshini oʻsha yoqqa burdi. — I. Rahim, Chin muhabbat

Ancha yigʻilishib kelibdi gala bachchalar. — Yusuf va Ahmad

ot Gall; gallar (hozirgi Fransiya territoriyasida yashagan qadimgi xalq nomi).

rvsh. Bu galgi, Navbatdagi, bu safargi.

Toʻgʻrisi, dadasi xoh yoqtirsin, xoh yoqtirmasin, Qudratning bu galgi ahdi qattiq edi. — H. Nazir, Yonar daryo

Fashistlarning har galgi hujumi muvaffaqiyatsiz chiqaveradi. — T. Rustamov

sft. Uslub jihatidan toʻmtoq; ravon emas, tushunilishi ogʻir; mujmal.

Gʻaliz ibora. Gʻaliz jumla.

Baʼzan gʻaliz jumla ustida Soatlab bosh qotirganim bor. — A. Oripov, Yillar armoni

Gʻalizroq gapirdingiz, xonim. Odam oʻzida emas, kabinetda boʻladi. — M.M. Doʻst, Galatepa qissalari

ot Boshoqli ekinlar hosili; don.

Gʻalla tayyorlash punkti. Gʻalla ombori.

Gʻalla hamisha eng qimmatli oziq-ovqat, barcha noz-neʼmatlarning mezoni boʻlib kelgan. — Gazetadan

Oʻgʻlining mashinasiga goh sabzavot, goh meva-cheva ortib, shaharga tushib kelar, goh gʻalla ortib qaytardi. — S. Zunnunova, Olov