Поиск

ot 1. Hali ochilmagan, gulbarglari hali yozilmagan gul; oʻsimlikning gul kurtagi.

Kechqurun [bulbul] gul gʻunchasini koʻradi-yu, ishqida oshigʻ-u shaydo boʻlib sayray beradi. — P. Tursun, Oʻqituvchi

Qirlardan esayotgan mayin shabada ana shu gullarning gʻunchalarini yozmoqda. — I. Rahim, Chin muhabbat

Gʻuncha ochilguncha oʻtgan fursatni Kapalak umriga qiyos etgulik. — Gʻ. Gʻulom

2. koʻchma Biror hodisaning endigina boshlanayotgan payti, boshlanishi.

Shubha ichida qizargan muhabbat gʻunchasi visol xabari bilan ochilayozgandek edi. — A. Qodiriy, Mehrobdan chayon

Murabbiy bola qalbida nish ura boshlagan umid gʻunchalarining mehribon sohibidir. — R. Usmonov, Odobnoma

ot 1. Podsho yoki xonga goʻzal qizlarni tanlab, haramga keltirib beruvchi ayol.

Soʻz baʼzi gʻunchachilar bilan begimlarning orasida boʻlgan mojarolar ustida borar edi. — Oybek, Navoiy

2. Vaqtinchalik xotin.

Shayboniyxon bir vaqtlar Zuhra begimni juda goʻzal deb eshitib, oʻzimga gʻunchachi qilib olurman, deb oʻylagan edi. — P. Qodirov, Yulduzli tunlar

fl. Gʻuncha paydo qilmoq, gʻuncha chiqarmoq (toʻgʻri va koʻchma maʼnoda).

Ajoyib bogʻ. Tartib bilan oʻtqazilgan meva daraxtlari gullarga burkangan. Toklar barg yozgan, gullar gʻunchalab yotibdi. — Gazetadan

Yoshlik — bu hamisha yangilanish, bunyodkorlik, har lahzada ming bir orzuning gʻunchalamoq faslidir. — Gazetadan

ot Gul gʻunchasi, ochilmagan gul.

Javob bering, ketay Eron shahriga, Chamanda koʻrindi menga gulgʻuncha. — Bahrom va Gulandom

nafas olib chiqarguncha vaqt

bir oz vaqt yoki bir zum